Luka 15:8 - AHYERƐLƐ KRONGRON

⁸ “Anaakyɛ brasua beni yeɛ ole sikadwetɛ buru, ná nu ko mini a, ɔngɔsɔ kanea ngɔpoa sua nu berɛ, ná ɔngɔyere ye nwo ngɔpena kɔpem kyɛ okonwu ye ɔ?

Luka 15:8 Iomraidhean Croise

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Mateo 5:15

Sɔ ala yeɛ bɛnzɔ kanea ná bafa bawura ɛkorɛ bo ɔ; na mmom bɛfa besie kanea bakaa so, amaa wata wama ebiala bɔ ɔwɔ awuro berɛ anwu ase.

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 15:9

Na sɛ onwu ye a, ɔfrɛfrɛ ye mmango mɔ ne ye mandamu berɛ ama maa bɛbayia, na ose kyɛ, ‘Ɛ́mɔma yɛgye yɛ nye, ofikyɛ manwu sikadwetɛ bɔ ominini ne.’

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Asomafoɛ 19:19

Ngonyaayelɛfoɛ nemɔ anu pee fale b’adwuma mmukuu bɛwale bɛɛyerale bɛ bɔ ebiala nye tua ɔ, na bɛsesene bɛ nyɔboɛ benwuni kyɛ ɔte ɛdwetɛ apee aburannu.

Ɛfesofoɛ 2:17

Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;