Luka 15:5 - AHYERƐLƐ KRONGRON

⁵ Na sɛ onwu ye a, ɔfa ye to ye kɔme anwo, na odi ahurusi.

Luka 15:5 Iomraidhean Croise

Yesaya 62:12

Na bɛkɔfrɛ bɛ: Maen krongron, Mmenia bɔ AWURADE apɔ bɛ wale bɛ ɔ, na wɔ de, bɛkɔfrɛ wɔ: Bɔ baapena ye si atee banwu ye ɔ, Kuro bɔ bambo ye ɔ.

Yesaya 62:5

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Hesekiel 18:23

Aso me nye gye bɔnefoɛ ye wue nwo anaa? AWURADE Nyameɛ noa dwirɛ ɛne. Aso me nye ngye kyɛ ɔkɔhwe ye nwo kofi ye yɔleɛ nwo ná okonya ngoa ɔ?

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:4

“Ɛmɔ nu nwa yeɛ sɛ ole mmoaen ɛyaa ko, ná nu ko mini a, ɔngɔyakyi aburahona ne ngona ne wɔ ɛserɛ so berɛ, ná ɔngɔɔpena ko bɔ wamini ne kɔpem kyɛ okonwu ye ɔ?

Luka 15:6

Na sɛ ɔba awuro a, ɔfrɛfrɛ ye mmango mɔ ne ye mandamu berɛ ama maa bɛbayia, na ose bɛ kyɛ, ‘Ɛ́mɔma yɛgye yɛ nye, ofikyɛ manwu me boaen bɔ ominini ne.’

Luka 19:9

Na Yesu sele ye kyɛ, “Ɛnɛ kyẽa ye, ngoalelɛ awa awuro he anu, ofikyɛ ye koso ɔte Abraham bosoniɛ.

Luka 23:43

Na obuale ye kyɛ, “Nahorɛ nu, mekã mekyire wɔ kyɛ, ɛnɛ kyẽa ye, ɛkɔboka me so wɔ Paradise.”

Yohane 15:11

“Mahã ɛhemɔ mahyire ɛmɔ, kyɛbɔ m’anika kɔtena ɛmɔ nu, ná ɛmɔ anika wali mu ɔ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

2 Timoteo 2:26

ná banya bɛ ti badidi nu bafi abɔnzam bɔ wahye bɛ nnure kyɛ bɛyɔ ye apɛdeɛ ne, ye ngaen nu.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.