Luka 15:32 - AHYERƐLƐ KRONGRON

³² Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:32 Iomraidhean Croise

Edwein 51:8

Maa nde ahurusi ne anigye dwirɛ, mmowue bɔ agorɔgorɔ bɛ ne, maa beli ahurusi.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mateo 18:11

[Ɔnate kyɛ, Sona Awa ne wale kyɛ ɔbaale bɛ bɔ bamini nemɔ ngoa.]

Luka 15:24

ofikyɛ mma he owuli, na watingye; ominini, na manwu ye.’ Na bɛhyɛle ye bo kyɛ bɛgye bɛ nye.

Luka 15:31

Na osele ye kyɛ, ‘Mma, wɔ de, ɛwɔ me nwo wa mmerɛ biala, na me nikyee biala te wɔ deɛ.

Luka 7:34

Sona Awa ne awa, bɔ odidi ná ɔno ɔ, na ɛmɔnwa: ‘Ɛ́mɔnea, adifuu ne akɔnomnzaniɛ, ɛtoɔdidelɛfoɛ ne bɔnefoɛ adamvo!’

Romanfoɛ 11:15

Na sɛ ɔnate bɛ polɛ bɔ Nyameɛ pole bɛ ne ati Nyameɛ ne adasa mmaa benyane ngabonu a, nzaade sɛ besa bɛba Nyameɛ berɛ a, ɔkɔyɛ sɛɛ koraa? Ɔkɔyɛ daa ngoa bɔ ofi awufoɛ nu ɔ!

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Romanfoɛ 3:4

Dabida! Ɔwɔ nu kyɛ kuro sona biala te ngondomboniɛ de, nakoso Nyameɛ de ɔtte sɔ, odi nahorɛ, kyɛbɔ bahyerɛ kyɛ, “Kyɛbɔ bekonwu kyɛ wɔ noa dwirɛ te nahorɛ, na sɛ bebua wɔ ndɛen a, ali be ɔ.”