Luka 15:28 - AHYERƐLƐ KRONGRON

²⁸ “Nakoso ɔfɛle yaa, na wanguro kyɛ ɔkɔhɔ awuro berɛ ɔ. Yiti ye baba fite wale ɔɔkorɔkorɔle ye kyɛ ɔbra awuro.

Luka 15:28 Iomraidhean Croise

Yesaya 65:5

mmenia bɔ bɛnwa: ‘Pingye dɔ, nnɛfa wɔ nwo kã me, ofikyɛ me de, me nwo te tra wɔ!’ Sɔ mmenia nemɔ bɛte kyɛ nwosina bɔ ɔkɔ me ti anu ɔ, bɛma m’ahone hu kyɛ see bɔ ogye daa biala ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 35:16

Rekabo awa Yonadabo ye boso ama bali ahyɛdeɛ bɔ bɛ nana fa mane bɛ ne aso, nakoso maen he de, bandie me dwirɛ.

Yona 4:9

Yeɛ Nyameɛ bisale Yona kyɛ, “Aso ɔte paa kyɛ ngomvo bakaa ne ati ɛfɛ yaa ɔ?” Na obuale kyɛ, “Yoo, odi kyɛ mefɛ yaa bɔ mewu po a ahaa mekuro ɔ.”

Mateo 20:11

Na bɛ sa hane b’akatuaa nen, bɛyɛle eboo mene ne so nwuhunwuhu

Marko 1:40

Na kwataniɛ bie wale Yesu berɛ ɔɔkotole srɛle ye kyɛ, “Sɛ ekuro a, ɛkɔhora kɔma me nwo kofi.”

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 15:2

Yeɛ Farasiifoɛ ne ahyerɛlɛfoɛ nemɔ bɛyɛle nwuhunwuhu kyɛ, “Biaa he ode bɔnefoɛ to nu, na osa ne bɛ bedidi.”

Luka 15:27

Na obuale ye kyɛ, ‘Eliɛma ne awa, na wɔ baba ahu nandwie akrɔngrɔma bɔ walɔ ne, ɔnate kyɛ ye sa ahã ye wɔ asomdwee nu.’

Luka 15:29

Na obuale ye baba kyɛ, ‘Tie, afoɛ worawora he yeɛ mafa maso wɔ ɔ, yeɛ wɔ dwirɛ koso nnyɛle ye nwo asoserɛ le; nakoso abɔngye ba po, ɛmmane me bie le kyɛ me ne me mmango mɔ yɛfa yɛgye yɛ nye.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Luka 5:30

Na Farasiifoɛ ne b’ahyerɛlɛfoɛ nemɔ bɛpenepene bɛ komvi behyirele ye asuafoɛ nemɔ kyɛ, “Nzu ati yeɛ ɛmɔ ne ɛtoɔdidelɛfoɛ ne bɔnefoɛ bedidi ná bɛno ɔ?”

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Romanfoɛ 10:19

Mesa mebisa kyɛ, yiti Yisrael ande edwirɛ ne bo anaa? Mose lili moa hane kyɛ, “Ngɔma ɛmɔ nye kɔboro mmenia bɔ bɛ de nna me maen ahɔ ɔ; na ngɔfa maen bɔ b’adwene te nganga ɔ ngohu ɛmɔ ahone.”

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

1 Samuel 17:28

Dawide aliɛma panyi Eliabo tele kyɛ ɔ́ka edwirɛ kyire koɛhonɛfoɛ nemɔ nen, ɔfɛle Dawide so yaa, na ɔhane kyɛ, “W’amaneɛ wɔ wa? Mmoaen kãa bie ne, nwa yeɛ ɛfale bɛ yakyili ye wɔ ɛserɛ ne aso ɔ? Mese kyɛbɔ esi te dwɛɛ ɔne adwene tɛɛ bɔ ɔwɔ wɔ ti anu ɔ. Koɛ ne ala yeɛ ɛwale kyɛ ɛbaanea ɔ!”

1 Samuel 18:8

Sɔ dwirɛ ne anyɛ Sɔɔlo fɛ, yiti ɔfɛle yaa hahii. Na ɔhane kyɛ, “Bɛnwa Dawide ahu apee buru apee buru, yeɛ me wora mahu apee apee ɔ. Nzikyɛ bieku yeɛ waha bɔ ye sa kɔha ye ɔ? Ahennie ye ɔ!”