Luka 15:24 - AHYERƐLƐ KRONGRON

²⁴ ofikyɛ mma he owuli, na watingye; ominini, na manwu ye.’ Na bɛhyɛle ye bo kyɛ bɛgye bɛ nye.

Luka 15:24 Iomraidhean Croise

Gyenesise 45:28

Na Yisrael sele kyɛ, “Ɔte nahorɛ, mma Yosef tɛ te ase; ngɔhɔ ngoonwu ye koraka né mawu.”

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Yesaya 66:11

amaa ɔnate so ye aworakyekyerɛ nyɔfonesue ne, ɛmɔano bie bama bɛ ko ayi; amaa ɔnate so ye animnyam mmorosoɛ ne, ɛmɔafa anigye bano maa wate ɛmɔ.”

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hesekiel 34:4

Bɔ wayɛ mmerɛ ne, ɛmɔamma ye nwo anyɛ se; bɔ ɔnde apɔ ne, ɛmɔanza ye anwonyerɛ; bɔ wabubu ne, ɛmɔammɔ ye borɛ; bɔ bafoa ye maa wahɔ ne, ɛmɔamva ye bamma; bɔ wamini ne, ɛmɔangɔ ambena ye boso; na mmom nhyɛsoɛ ne atianuserɛ yeɛ ɛmɔfa bedi bɛ so ɔ.

Mateo 8:22

Nakoso Yesu buale ye kyɛ, “Di me si, ná ma awufoɛ bésie b’awufoɛ!”

Marko 8:22

Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Luka 10:19

Ɛ́mɔtie, mama ɛmɔ tumi kyɛ ɛ́mɔtiatia ewoo mɔ ne anyanyangyeleɛ mɔ so, ɔne pɔfoɛ ne tumi amukoraa so; bɔ nikyee fee ngɔhora ngɔyɛ ɛmɔ ɔ.

Luka 15:23

ná ɛ́mɔfa nandwie akrɔngrɔma bɔ walɔ ɔ bɛbra beehu ye, ná ɛ́mɔma yɛgye yɛ nye;

Luka 15:25

“Na sɔ mmerɛ ne, né ɔwa panyi ne wɔ fieso. Na osa ba ná opingyele awuro nen, ɔtele edwein ne abiliegolɛ.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:4

“Ɛmɔ nu nwa yeɛ sɛ ole mmoaen ɛyaa ko, ná nu ko mini a, ɔngɔyakyi aburahona ne ngona ne wɔ ɛserɛ so berɛ, ná ɔngɔɔpena ko bɔ wamini ne kɔpem kyɛ okonwu ye ɔ?

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Luka 9:60

Na Yesu sele ye kyɛ, “Ma awufoɛ besie b’awufoɛ. Nakoso wɔ de, kɔ ná kɔbɔ Nyameɛ ahennie ne nwo dawure.”

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Romanfoɛ 11:15

Na sɛ ɔnate bɛ polɛ bɔ Nyameɛ pole bɛ ne ati Nyameɛ ne adasa mmaa benyane ngabonu a, nzaade sɛ besa bɛba Nyameɛ berɛ a, ɔkɔyɛ sɛɛ koraa? Ɔkɔyɛ daa ngoa bɔ ofi awufoɛ nu ɔ!

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

Romanfoɛ 6:11

Sɔ ala yeɛ odi kyɛ ɛmɔbu ɛmɔ nwo kyɛ bɔne olle ɛmɔ so tumi ko ɔ, na ɛmɔte ase wɔ Kristo Yesu nu ma Nyameɛ.

Romanfoɛ 6:13

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

Ɛfesofoɛ 2:1

Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

Ɛfesofoɛ 2:5

wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,

1 Timoteo 5:6

Nakoso brasua kunaniɛ bɔ wama ahohwibra ali ye ti ne de, ɔte teaseawuo.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.