Luka 15:18 - AHYERƐLƐ KRONGRON

¹⁸ Ngodwɔso ngɔhɔ me baba berɛ, ná mahã mahyire ye kyɛ: Baba, mayɔ nyameɛso ne wɔ nyunu bɔne;

Luka 15:18 Iomraidhean Croise

2 Aberɛso Dwirɛ 33:19

Ye mbaeɛ bɔ ɔbɔle, kyɛbɔ Nyameɛ tiele ye sufrɛ, ye bɔne amukoraa, ye nahorɛlilɛ, nekaa bɔ osisili asɔneyɛɛ mɔ gyinagyinane Asera dosii mɔ ne amoen mɔ, koraka yeɛ ɔsakyera ne, bahyerɛ ye wɔ mmenia bɔ bɛse ase ne b’abakɔsɛm nwomaa ne anu.

Edwein 25:11

Ao AWURADE, wɔ dumaa ti, fa me bɔne kyɛ me, ofikyɛ ɔte piri.

Anyandera 23:13

Akwadaa yɛ tɛɛ a, tea ye, na efi ye mbire a, ongowu.

Yesaya 63:16

Ofikyɛ wɔ yeɛ ɛte yɛ Baba ɔ, ɔwɔ nu kyɛ Abraham nze yɛ, yeɛ Yisrael koso onne yɛ ndo nu; O AWURADE, wɔ yeɛ ɛte yɛ Baba ɔ, yɛ Defoɛ, wɔ dumaa ne ɔwɔ berɛ fi tetetete.

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Awuye 3:29

Odi kyɛ ɔfa ye noa butu nnɛterɛ nu, ebiaa né anyelasoɛ wɔ berɛ ma ye.

Awuye 3:40

Ɛ́mɔma yɛneanea y’atee nu ná yɛpɛnzɛpɛnzɛ nu, ná yɛsa yɛbra AWURADE berɛ!

Daniel 4:26

Na kyɛbɔ ɔhyɛle kyɛ bɛyakyi bakaa dosii ndii ne nen, sɔ ala yeɛ mmerɛ bɔ ekole kɔto nu kyɛ tumi mukoraa wura Nyameɛso bo ne, w’ahennie kosa kodwɔso bieku kɔma wɔ ɔ.

Yona 2:4

Yeɛ ngane kyɛ, ‘Afoa me afi wɔ nyunu, nakoso ngosa ngɔto me nye ngɔnea w’asɔneyɛɛ sua krongron ne.’

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Mateo 6:14

“Sɛ ɛmɔfa mmenia mvomsoɛ bɛkyɛ bɛ a, ɛmɔ Baba bɔ ɔwɔ nyameɛso ne koso kɔfa ɛmɔ deɛ kɔhyɛ ɛmɔ.

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Mateo 7:11

Na ɛmɔ po bɔ ɛmɔte bɔnefoɛ ɔ, sɛ ɛmɔse kyɛbɔ ɛmɔma ɛmɔ mma mɔ nningyein paa a, nzaade ɛmɔ Baba bɔ ɔwɔ nyameɛso ne, ɔkɔyɛ sɛɛ bɔ ɔngɔfa nningyein paa ngɔma bɛ bɔ bebisa ye ɔ?

Luka 11:2

Na osele bɛ kyɛ, “Sɛ ɛmɔbɔ mbaeɛ a, ɛmɔhã kyɛ, ‘Baba [bɔ ɛwɔ nyameɛso so ɔ,] Wɔ dumaa nwo ɔte; w’ahennie ɔbra.

Luka 15:17

Afei ye nye wale ye nwo so, na ɔhane kyɛ, ‘Apaafoɛ bɔ bɛwɔ me baba awuro ɔ bedidi bɛma bɛ ko yi ma ebie ka, yeɛ me de, ɛhɔen dosa me wɔ wa ye!

Luka 15:19

memvata kyɛ ɛkɔfrɛ me ɛwa ko ɔ, fa me yɛ kyɛ w’apaafoɛ nemɔ anu ko.’

Luka 15:21

Na ɔwa ne sele ye kyɛ, ‘Baba, mayɔ nyameɛso ne wɔ nyunu bɔne, na memvata kyɛ ɛkɔfrɛ me ɛwa ko ɔ.’

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’