Luka 15:17 - AHYERƐLƐ KRONGRON

¹⁷ Afei ye nye wale ye nwo so, na ɔhane kyɛ, ‘Apaafoɛ bɔ bɛwɔ me baba awuro ɔ bedidi bɛma bɛ ko yi ma ebie ka, yeɛ me de, ɛhɔen dosa me wɔ wa ye!

Luka 15:17 Iomraidhean Croise

Edwein 119:59

Sɛ medwenedwene me bra nwo a, mesa metu agyirɛ mebadi wɔ noa dwirɛ so.

Edwein 73:20

Sɛ sona da dwɔso a, bɛte kyɛ laleɛ bie, yeɛ wɔ AWURADE koso, sɛ ɛkekã wɔ nwo a, ebu bɛ kyɛ laleɛ bie.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yeremia 31:19

Amba, nzale me si, na ye si ye, nzakyerale m’adwene. Na ye si ye bɔ me nye wale me nwo so ne, mvale me sa nguale m’ahone so; mvɛrele, na me nyunu guale ase, ofikyɛ mmɔle nyanzoen bra wɔ me mmerandeɛ nu.’

Awuye 1:7

Na Yerusalem ye anwokyere ne aworabɔlɛ mmerɛ nu, ɔkayele ye nningyein nyemene amukoraa, bɔ mmerɛ bie né ole ye ne. Mmerɛ bɔ ye mmenia beelili pɔfoɛ ne sa nu, bɔ wannya ebiala maa wammoka ye ne, bɛ bɔ bekyi ye nemɔ benwuni ye, na bɛgorole ye nwo, ɔnate ye asefinɛ ne ati.

Hesekiel 18:28

Na ɔnate kyɛ wadwene ye nwo, ná wahwe ye nwo wafi ye mmeraatolɛ amukoraa bɔ wato nwo ne ati, nahorɛ nu, okonya ngoa, na ongowu.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Luka 15:16

Na ye komvi wale so kyɛ onya aleɛ bɔ mbrako nemɔ bedi ne bie a ahaa okoli kɔma ye ko koyi; nakoso ebiala amma ye bie.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Luka 8:35

Yeɛ mmenia fite wale kyɛ bɛbaanea edwirɛ bɔ wasi ne; na bedwuli Yesu nwo berɛ nen, benwuni biaa bɔ sunzummɔne mɔ batu bafi ye nu ne, kyɛ ɔte Yesu gya bo berɛ, owura ataadeɛ, ná ye adwene wɔ berɛ ɔ, na besurole.

Asomafoɛ 12:11

Na Petro nye wale ye nwo so ne, ɔhane kyɛ, “Afei de, manwu kyɛ ɔte nahorɛ kyɛ Awurade asoma ye abɔfo maa waaye me wafi Herode sa nu, ɔne nikyee biala bɔ Yudafoɛ nye la so kyɛ bɛkɔfa bɛkɔyɛ me ɔ nu.”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”