Luka 15:10 - AHYERƐLƐ KRONGRON

¹⁰ Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:10 Iomraidhean Croise

Hesekiel 18:23

Aso me nye gye bɔnefoɛ ye wue nwo anaa? AWURADE Nyameɛ noa dwirɛ ɛne. Aso me nye ngye kyɛ ɔkɔhwe ye nwo kofi ye yɔleɛ nwo ná okonya ngoa ɔ?

Hesekiel 18:32

Ofikyɛ me nye ngye ebiala ye wue nwo, AWURADE Nyameɛ noa dwirɛ ɛne, yiti ɛ́mɔsakyera, ná ɛmɔnya ngoa.”

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Mateo 10:32

“Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:14

Sɔ ala yeɛ ɛmɔ Baba bɔ ɔwɔ nyameɛso ne, onguro kyɛ ngwadaa hemɔ nu ko po komini ɔ.

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Luka 12:9

Nakoso bɔ ɔkɔpo me mmenia nyunu ne de, me koso ngɔpo ye Nyameɛ abɔfo mɔ nyunu.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Luka 15:11

Yeɛ Yesu sele kyɛ, “Né biaa bie wɔ berɛ bɔ ole mmaa mmienzua nyɔ ɔ.

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 15:9

Na sɛ onwu ye a, ɔfrɛfrɛ ye mmango mɔ ne ye mandamu berɛ ama maa bɛbayia, na ose kyɛ, ‘Ɛ́mɔma yɛgye yɛ nye, ofikyɛ manwu sikadwetɛ bɔ ominini ne.’

Luka 7:47

Yiti mekã mekyire wɔ, ye bɔne worawora ne, bafa bahyɛ ye, ofikyɛ wala ɔdɔ piri paa ali. Nakoso sona bɔ bafa bɔne kãa bie bahyɛ ye ne, ɔdɔ kãa bie yeɛ ɔye ye ali ɔ.”

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Filemɔn 1:15

Ebiaa ɛhe ati yeɛ ofili wɔ nwo mmerɛ kãa bie ɔ, amaa ɔnate so afa ye ayɛ wɔ deɛ bɔkɔɔ;

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?