Luka 14:32 - AHYERƐLƐ KRONGRON

³² Na sɛ ɔnea ná ɔngɔhora a, mmerɛ bɔ ko ne ɔwɔ nziɛ nziɛ ne, otu ɛbɔfoɛ mɔ maa bɛkɔsrɛ ye kyɛ ɔma besiesie b’afia.

Luka 14:32 Iomraidhean Croise

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Mateo 5:25

“Sona bɔ wasama wɔ ne, ɛne ye bésiesie ɛmɔ afia ndɛndɛ, wɔ mmerɛ bɔ ɛne ye bɛ gya gyi atee so bɛkɔ mbanyi nyunu ɔ. Anyɔ a, sona bɔ wasama wɔ ne kɔfa wɔ kowura ndɛenbualɛniɛ sa, ná ndɛenbualɛniɛ ne koso wafa wɔ wawura wɛmvoɛ ne sa, ná bafa wɔ bato kuku nu.

Mateo 5:42

Sɛ ebie srɛ wɔ dɔ nikyee a, fa ma ye; yeɛ sɛ ebie pena kyɛ ɔfɛmo wɔ dɔ nikyee a, nnɛfa bɔ ye atianuserɛ.

Luka 12:58

Sɛ ɛne ebie bɔ wabɔ wɔ kwaadu begu so bɛ́kɔ tuminiɛ nyunu a, ɛmɔwɔ atunu bɔ ɛ́mɔkɔ ne, bɔ mmɔden ɛne ye besiesie ɛmɔ afia, ná wandwe wɔ wangɔ ndɛenbualɛniɛ ne nyunu, ná ndɛenbualɛniɛ ne wamva wɔ wanwura kuku nu wɛmvoɛ ne sa, ná wɛmvoɛ ne amva wɔ wando kuku nu.

Luka 14:31

“Anaakyɛ ɛhene beni yeɛ ɔne ɛhene bie bɛkwaaho koɛ, bɔ ongoli moa ɔngɔtena ase ngɔfa ye nwo adwene, sɛ ɔkɔhora kɔfa asraafoɛ apee buru okooyia ɛhene bɔ ole asraafoɛ apee aburanyɔ ɔbaafa koɛ toa ye ne a?

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.