Luka 14:23 - AHYERƐLƐ KRONGRON

²³ Na meneɛ ne sele somvoɛ ne kyɛ, ‘Kɔ atimbire mɔ ne fie atee mɔ so, ná hyɛ mmenia ma bɛbra nu,‘ ná m’awuro wa oyi to.

Luka 14:23 Iomraidhean Croise

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 5:41

Sɛ ebie hyɛ wɔ so kyɛ ɛnate pɛ kwanzii ko a, ɛne ye bɛhɔ kwanzii nyɔ.

Luka 14:22

Yeɛ somvoɛ ne hane kyɛ, ‘Me mene, mayɔ bɔ ɛhyɛle ne, nakoso nekaa bieku tɛwɔ berɛ.’

Luka 14:24

Na mekã mekyire ɛmɔ kyɛ, mmenia bɔ ndole me sa mvrɛle bɛ ne, bɛ nu biala nne berɛ bɔ m’aleɛ ye kaala kɔhã ye noa ɔ!’ ”

Luka 24:29

na bɛsrɛle ye serɛserɛ so kyɛ, “Maa yɛla, na aleɛ adwo, ewienu pinipini.” Yiti ɔne bɛ bɛhɔle awuro kyɛ ɔne bɛ bɛkwaala berɛ.

Asomafoɛ 16:15

Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.