Luka 14:21 - AHYERƐLƐ KRONGRON

²¹ “Yiti somvoɛ ne sa wale ɔɔbɔle ye mene amaneɛ. Yeɛ ye mene ne fɛle yaa, na osele ye somvoɛ ne kyɛ, ‘Ma wɔ nwo yɛ nyera, ná kɔ kuro nu dɔ dwaa nemɔ aso ne mandamu, ná fa ehiafoɛ, mmubuafoɛ, anyesiniwaafoɛ ne abafaen mɔ bra!’

Luka 14:21 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 38:7

Me nwo yerayera me wuronyiwuronyi, me nwo ndɔ me wɔ me wereɛ nu.

Yesaya 33:23

Wɔ nyamaa ne anu agoho, ɔngora nzosɔ ɛlɛen bakaa ne anu pindinn, yeɛ ɔngora ndrɛtrɛ ɛlɛen frangaa ne anu. Bɛkɔhyɛ koɛ nu nzesadeɛ pee bɔ banya ye ɔ, bubuafoɛ kɔfẽ nningyein bɛkɔfa.

Yesaya 35:6

bubuafoɛ bekohuruhuru kyɛ dabɔɔ, na emumu temverema kɔto ahurusi dwein. Ofikyɛ asue mɔ kopu kofi ɛserɛ so, yeɛ asue mmaa mmaa kopu kofi aseɛ pralaa so;

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

Sakaria 11:11

Yiti nu pɛle sɔ kyẽa ne, na mmoaen kure ne anu biemɔ bɔ né bɛyɛ anwumvo, bɔ né bɛ nye tua me ne, benwuni kyɛ AWURADE noa dwirɛ ɛne.

Sakaria 11:7

Na ngɔyɛ akumyɛɛ mmoaen kure ne aso neafoɛ, nganga, bɛ bɔ bɛyɛ anwumvo wɔ mmoaen kure ne anu ne. Mvale pɔmaa nyɔ. Ndole ko dumaa: Ɛlolɛ, yeɛ ko ne wora ndole ye dumaa: Koyɛlɛ, na nneane mmoaen kure ne aso.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 15:12

Yeɛ ye asuafoɛ nemɔ wale beesele ye kyɛ, “Farasiifoɛ nemɔ bɛtele sɔ dwirɛ ne nen, aso ɛse kyɛ wanyɛ bɛ fɛ ɔ?”

Mateo 18:31

Na ye mmango ngoaa nemɔ nwuni bɔ wasi nen, ɔyɛle bɛ yea paa, na bɛɛhane bɔ wasi ne amukoraa behyirele bɛ mene.

Mateo 20:7

Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Luka 14:13

Yiti sɛ ɛto poen a, to wɔ sa frɛ ehiafoɛ, mmubuafoɛ, abafaen mɔ ne anyesiniwaafoɛ,

Luka 14:20

Na foforɛ koso nwa: ‘Magya braa kekesaala ye, yiti mengɔhora ba.’

Luka 14:22

Yeɛ somvoɛ ne hane kyɛ, ‘Me mene, mayɔ bɔ ɛhyɛle ne, nakoso nekaa bieku tɛwɔ berɛ.’

Luka 14:24

Na mekã mekyire ɛmɔ kyɛ, mmenia bɔ ndole me sa mvrɛle bɛ ne, bɛ nu biala nne berɛ bɔ m’aleɛ ye kaala kɔhã ye noa ɔ!’ ”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Luka 9:10

Na asomafoɛ nemɔ sa wale nen, bɛfale bɔ baayɔ amukoraa nwo amaneɛ bɛbɔle Yesu. Na Yesu fale bɛ ɔne bɛ beewurale nekaa bie dinn wɔ kuro bɔ oli Betesaeda nwo berɛ.

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.

1 Samuel 25:12

Yiti Dawide mmerandeɛ nemɔ sale bɛ si bɛhɔle, na bɛfale mmuayɛɛ ne amukoraa bɛbɔle Dawide amaneɛ.