Luka 14:13 - AHYERƐLƐ KRONGRON

¹³ Yiti sɛ ɛto poen a, to wɔ sa frɛ ehiafoɛ, mmubuafoɛ, abafaen mɔ ne anyesiniwaafoɛ,

Luka 14:13 Iomraidhean Croise

2 Samuel 6:19

Na ɔhyɛle aleɛ mane Yisrael maen ne anu mmienzua ne mmrasua mukoraa. Ebiala nyane paanoo mumua ko, naen porɛ ko ne bobe taterɛ ko. Na afei ebiala hɔle ye awuro.

2 Aberɛso Dwirɛ 30:24

Ofikyɛ Yuda hene Hesekia mane badwa ne nandwie nyii apee ko ne mmoaen apee nzoo kyɛ bɛfa bɛbɔ afɔleɛ, yeɛ maen mbanyi nemɔ mane badwa ne nandwie nyii apee ko ne mmoaen apee buru. Asɔfo nemɔ anu pee bɛpetene bɛ nwo.

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Nehemia 8:12

Yeɛ mmenia ne amukoraa bɛhɔle beedidili bɛnone, na bɛfale bie bɛhyehyɛle. Bɛgyele bɛ nye paa, ofikyɛ edwirɛ bɔ bɛkengale behyirele bɛ ne, bɛtele ye bo.

YOB NWOMAA NE 29:13

Mmenia bɔ né bɛwɔ anwokyere piri paa nu ne, beyirayirale me, na mmane akunafoɛ mmrasua bɛ wora kyekyele.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Yesaya 58:10

sɛ ɛne bɔ ɛhɔen ku ye ɔ bɛkyɛ w’aleɛ, ná ɛma sona bɔ ɔyɛ anwumvo ɔ nikyee bɔ ohia hɔ a, ye de wɔ kanea kopukye awosii nu, na w’awosii kɔyɛ kyɛ eyia ketee.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Mateo 15:30

Na mmenia pee fale mbakye, mmubuafoɛ, anyesiniwaafoɛ, emumu mɔ ne ayarefoɛ foforɛ pee bɛwale ye berɛ; na bɛfale bɛ beeguale ye gya bo, na ɔsale bɛ anwonyerɛ.

Mateo 22:10

Na sɔ somvoɛ nemɔ besili nu bɛhɔle dwaa nemɔ aso bɛɛboaboale mmenia bɔ benwuni bɛ amukoraa noa, bɔne mmenia ne mmeni paa; na mmenia beeyili atɔmvorɛ sua ne anu tɛkyɛ.

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 14:12

Afei osele bɔ ɔtole ye sa frɛle ye ne kyɛ, “Sɛ ɛto poen eyia anaa nɔsoa a, nnɛfrɛfrɛ wɔ mmango mɔ anaa eliɛma mɔ anaa w’abusuafoɛ anaa wɔ mandamu berɛ sikafoɛ. Ebiaa né bɛ koso bato bɛ sa bafrɛ wɔ bie bafa basi ye gya nu.

Luka 14:14

na ekonya saleɛ; ofikyɛ bɛ de, bɛngɔhora bie yɔ ma wɔ ngɔfa ngosi ye gya nu. Na teneneefoɛ edwɔsolɛ ne anu yeɛ wɔ sa kɔhã ye nwo akatuaa ɔ.”

Luka 14:21

“Yiti somvoɛ ne sa wale ɔɔbɔle ye mene amaneɛ. Yeɛ ye mene ne fɛle yaa, na osele ye somvoɛ ne kyɛ, ‘Ma wɔ nwo yɛ nyera, ná kɔ kuro nu dɔ dwaa nemɔ aso ne mandamu, ná fa ehiafoɛ, mmubuafoɛ, anyesiniwaafoɛ ne abafaen mɔ bra!’

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Deuteronomi 14:29

Ofikyɛ Lewiniɛ (ye de, olle kyɛfa anaa agyapadeɛ biala kyɛbɔ wɔ de anya ye ne), yeɛ afei ɛwɔfoɛ, nyisiaafoɛ ne akunafoɛ bɔ bɛwɔ wɔ kuro ne anu ne, bɛkɔwa bekooli kɔma bɛ ko koyi; na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati bɔ ɛkɔyɔ ɔ nu.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 16:14

Aluolue mmerɛ ne, di ahurusi, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ, ɛwɔfoɛ mɔ, nyisiaafoɛ, ɔne kunafoɛ bɔ bɛte wɔ kuro ɔ.

1 Timoteo 3:2

Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Tito 1:8

na mmom ɔsɛ kyɛ ɔma ye nye gye ɛwɔfoɛsolɛ nwo, okuro bɔ ɔte paa, ɔte ebie bɔ ye adwene nu pi, ɔtengyɛ, ye nwo te, ná ole anwohyɛsoɛ ɔ;

Filemɔn 1:7

Aliɛmaa, ɔdɔ bɔ ele ye ne, wamaa yanya anigye ne nguraenhyɛlɛ pee, ofikyɛ ama anwoteefoɛ ne amukoraa bɛ wora akyekye.

Hebrifoɛ 13:2

Ɛ́mɔnea kyɛ ɛmɔkole ɛwɔfoɛ mɔ wɔ ɛmɔ awuro ɔ, ofikyɛ ebiemɔ fale sɔ atee he aso besikyele Nyameɛ abɔfo mɔ wɔ b’awuro bɔ né bɛnze ɔ.