Luka 13:8 - AHYERƐLƐ KRONGRON

⁸ Na obuale ye kyɛ, ‘Me mene, maa ogyina berɛ afoɛ he koso, kɔpem kyɛ ngofumvu ye bo, ná ngɔfa fofoɛ ngoguagua ye bo ɔ.

Luka 13:8 Iomraidhean Croise

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 18:20

Aso bɔne yeɛ bɛfa betua paa so kerɛ ɔ? Nakoso bɛ de, batu kumaa kyɛ me kra ɔte tɔ nu. Kaye kyɛ ngyinane wɔ nyunu kyɛ mekã paa mema bɛ, bɔ ɔkɔma w’ahone kɔtɔ nzue nu wɔ bɛ nwo ɔ.

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Luka 13:7

Yiti osele borɔdoma boo so hwɛsoniɛ ne kyɛ, ‘Nea, afoɛ nza mumua ɛhe yeɛ mawa kyɛ mebaatete bakaa he aso mmaa bɔ mannya bie ɔ. Bu ye to! Nzu ati yeɛ ɔsɛkye aseɛ mbaen ɔ?’

Luka 13:9

Sɛ osu mmaa afoɛ bieku a, ye de né ye paa nu ɔ; nakoso sɛ wanzu de a, né abu ye mato.’ ”

Luka 14:35

Ɔmvata eboo aseɛ anaa fofoɛ bɔ bɛfa bedua nningyein ɔ, na mmom begyi begua. Bɔ ole asoɛ tie ne, maa otie!”

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

Romanfoɛ 11:14

kyɛbɔ ɔkɔyɛ bɔ me bɔbɔ me mmenia Yudafoɛ bɛ nye kɔboro ɔ, bɔ ɔnate so bɛ nu biemɔ konya daa ngoa ɔ.

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.