Luka 13:35 - AHYERƐLƐ KRONGRON

³⁵ Ɛ́mɔtie, bɛkɔyakyi ɛmɔ awuro ne berɛ dandue bɛkɔma ɛmɔ. Na mekã mekyire ɛmɔ kyɛ, ɛmɔngonwu me ko maa okoodwu mmerɛ bɔ ɔkɔwa kyɛ ɛmɔkɔhã kyɛ, ‘Saleɛ ole bɔ ɔnate Awurade dumaa nu ɔ́ba ye!’ ”

Luka 13:35 Iomraidhean Croise

Edwein 118:26

Saleɛ hã bɔ ɔ́ba wɔ AWURADE dumaa nu ne, yɛwɔ AWURADE awuro wa yeɛ yɛyira wɔ ɔ.

Edwein 69:25

Ma b’atenaleɛ ɔkakyi kurofoen, yeɛ nnɛma ebiala tena b’ɛtena sua nemɔ anu.

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yeremia 22:5

Nakoso sɛ ɛmɔandie edwirɛ hemɔ a, ye de meta me bɔbɔ me nwo ndaen kyɛ awuro he kɔkakyi dandue, AWURADE noa dwirɛ ɛne.

Yeremia 35:17

Yiti AWURADE, Asafo Nyameɛ, Yisrael Nyameɛ nwa nyoo: Ɛ́mɔtie, musue amukoraa bɔ ngane kyɛ ngɔmaa ɔkɔwa Yuda ne Yerusalemfoɛ amukoraa bɛ so ne, ngɔprapra ngogua bɛ so; ofikyɛ madwudwo mahyire bɛ, nakoso bandie; mafrɛ bɛ, nakoso bandɛ me so.”

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Yohane 12:13

Yiti bɛfale ɛberɛ, na bɛhɔle kyɛ bɛkwaayia ye, na bɛbɔle ese kyɛ, “Hosana! Saleɛ ole bɔ ɔnate Awurade dumaa nu ɔ́ba ye, Yisrael Hene ne!”