Luka 13:33 - AHYERƐLƐ KRONGRON

³³ Nakoso ɛnɛ ne ɛhema ne ye alehyeleɛ de, ɔsɛ kyɛ metoa m’ateetulɛ ne aso; ofikyɛ ɔkɔyɛ se kyɛ bekohu ngɔmhyɛlɛniɛ wɔ nekaa bie, sana Yerusalem.

Luka 13:33 Iomraidhean Croise

Mateo 20:18

“Ɛ́mɔtie, yɛ́fo yɛ́kɔ Yerusalem, na bɛkɔye Sona Awa ne bekowura asɔfo mbanyi ne ahyerɛlɛfoɛ sa, na bekobua ye ewue foɛ,

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Luka 9:53

Nakoso kuro berɛ ama banne ye, ɔnate kyɛ né ye nye kyire Yerusalem.

Yohane 11:54

Yiti Yesu anye ye nwo ali pefee wannatenate wɔ Yudafoɛ nemɔ anu ko. Na ofili berɛ hɔle aseɛ bie bɔ opingye ɛserɛ so ɔ so, wɔ kuro bie bɔ bɛfrɛ ye Efraim so, na ɔne ye asuafoɛ nemɔ bɛtenane berɛ.

Yohane 11:9

Yeɛ Yesu buale kyɛ, “Aso nna dɔnhwere buru ne nyɔ yeɛ ɔte ɛlɛho ɔ? Sɛ ebie nate eyia a, onzoti, ofikyɛ onwu ewiase kanea ne.

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.