Luka 13:28 - AHYERƐLƐ KRONGRON

²⁸ Na sɛ ɛmɔnwu Abraham, Yisake, Yakob ne ngɔmhyɛlɛfoɛ ne amukoraa kyɛ bɛwɔ Nyameɛ ahennie ne anu, ná ɛmɔ de bafoa ɛmɔ bafi nu a, ɛmɔkɔbɔ awuye ná ɛmɔanwose ɛmɔ gye.

Luka 13:28 Iomraidhean Croise

Edwein 112:10

Bɔnefoɛ nwu ye, na ɔyɛ ye ahi; ɔkɔnwose ye gye ná waboto; bɔ bɔnefoɛ wafa wasie ye nye so ne, ɔngɔyɛ berɛ.

Mateo 13:42

na bekogyi bɛ bekogua see wuronyiwuronyi nu, nekaa bɔ mmenia kosũ ná banwose bɛ gye ɔ.

Mateo 13:50

ná bagyi bɛ bagua see wuronyiwuronyi nu, na berɛ yeɛ mmenia kosũ ná banwose bɛ gye ɔ.”

Mateo 22:13

Yeɛ ɛhene ne sele somvoɛ nemɔ kyɛ, ‘Ɛ́mɔkyekye ye gya ne ye sa, ná ɛmɔfindi ye bɛto bondua dɔ awosii ne anu; dɔ yeɛ mmenia kosũ ná banwose bɛ gye ɔ.’

Mateo 24:51

na ɔkɔpepɛ akoaa ne nu ahuronzi ahuronzi, ná wamaa wanya nyaatwomfoɛ bɛ kyɛfa ne bie; na berɛ yeɛ mmenia kosũ ná banwose bɛ gye ɔ.

Mateo 25:30

Akoaa bɔ mvasoɛ nne ye so ye, ɛ́mɔgyi ye bɛ́to bondua dɔ awosii ne anu, na berɛ yeɛ mmenia kosũ ná banwose bɛ gye ɔ.’

Luka 10:15

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu.

Luka 14:15

Na bɛ bɔ né bɛ ne Yesu bɛte poen nwo bedidi ne, nu ko tele edwirɛ he nen, osele Yesu kyɛ, “Bɔ okodidi wɔ Nyameɛ ahennie nu ne, wanya saleɛ!”

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

2 Tɛsalonika 1:5

Na ɛhe kyire kyɛ Nyameɛ ndɛenbualɛ te turoloo, bɔ ɔkɔma ɛmɔ kɔfata Nyameɛ ahennie bɔ yiti yeɛ ɛmɔnwu amaneɛ ne.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.