Luka 13:25 - AHYERƐLƐ KRONGRON

²⁵ Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Luka 13:25 Iomraidhean Croise

Gyenesise 7:16

Kaka biala nyii ne beleɛ fole nu, kyɛbɔ Nyameɛ hyɛle Nowa ne, na afei AWURADE tole Nowa anoa nu.

Edwein 32:6

Yiti ebiala bɔ ɔtengyɛ ne, odi kyɛ ɔbɔ mbaeɛ okyire wɔ. Amaneɛnwunɛ mmerɛ nu, sɛ amaneɛnwunɛ ba ye so kyɛ asue bɔ wayi bɔ ɔse wuruwuru a, ye de ɔngoto ye.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Luka 13:27

Na okose kyɛ, ‘Mekã mekyire ɛmɔ kyɛ, menze nekaa bɔ ɛmɔfi ɔ. Ɛ́mɔfi me so bɛhɔ, ɛmɔ amukoraa bɔ ɛmɔyɔ bɔ ɔndengyɛ ɔ!’

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Luka 6:46

“Nzu ati yeɛ ɛmɔfrɛ me ‘Awurade, Awurade’ nakoso ɛmɔnyɔ bɔ mekã mekyire ɛmɔ ɔ?

2 Korintofoɛ 6:2

Ɔnate kyɛ ɔnwa: “Mmerɛ bɔ ɔsɛ ɔ nu ndiele wɔ, na mmokale wɔ wɔ ngoalelɛ kyẽa ne. Menwa ɛnɛ te adom mmerɛ, ɛnɛ te ngoalelɛ kyẽa.”

Hebrifoɛ 12:17

Na ɛmɔse kyɛ ɛhe asi ne, ohurole kyɛ ahaa okonya ɔse saleɛ ne, nakoso wamva wamma ye. Na ɔwɔ nu kyɛ ɔporole moen fa penane de, nakoso wannwu atee biala bɔ ɔfa so kakyi bɔ wayɔ ne ɔ.