Luka 13:24 - AHYERƐLƐ KRONGRON

²⁴ “Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Luka 13:24 Iomraidhean Croise

Anyandera 14:6

Ngorohoɛniɛ pena nworɛ, na onnwu ye, nakoso sona bɔ ye adwene nu pi de, nimdeɛ nyanɛ nyɛ se mma ye.

Anyandera 21:25

Ɛfoen sona, nikyee bɔ ye komvi wɔ so ne yeɛ oku ye ɔ, ofikyɛ ye sa nga ye gya nga.

Nworɛ Dwirɛhanɛniɛ 10:15

Adwuma bɔ kwaseaa yɔ ne, ɔmaa ɔfɛ, na ɔnze atee po bɔ ɔfa so kɔ kuro nu ɔ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Mateo 11:12

Na ofi Asubɔlɛniɛ Yohane aberɛ so bɔ ɔbaadwu ɛnɛ ye, nyameɛso ahennie ne ɔ́ba anyeborolɛ so; na bɛ bɔ bɛ nye aboro ne bɛfa ye anyeborolɛ so.

Luka 13:23

Na ebie bisale ye kyɛ, “Awurade, mmenia kãa bie yeɛ bekole bɛ ngoa hɔ anaa?” Yeɛ Yesu sele bɛ kyɛ,

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 7:34

Ɛmɔkɔpena me, na ɛmɔngonwu me; na nekaa bɔ nwɔ ne, ɛmɔngɔhora ngɔwa berɛ bie.”

Yohane 8:21

Na Yesu sele bɛ bieku kyɛ, “Me de, mékɔ, na ɛmɔkɔpena me, na ɛmɔkowu ɛmɔ bɔne nu; na nekaa bɔ mékɔ ne, ɛmɔngɔhora ngɔwa berɛ.”

Romanfoɛ 10:3

Ofikyɛ bɛnze atee bɔ Nyameɛ fa so siesie ye ne mmenia b’afia ɔ, na mmom bɛyɛle kyɛ bɛkɔfa bɛ bɔbɔ bɛ tenenee atee so; yiti bammrɛ bɛ nwo ase bamma Nyameɛ atee bɔ ɔfa so yɛ kuro sona teneneeniɛ ne.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Yosua 7:3

Na besa bɛwale bɛɛbɔle ye amaneɛ kyɛ, “Onhia kyɛ mmenia ne amukoraati bɛkɔfo bɛkɔhɔ dɔ ɔ. Ma mmienzua kɔyɛ apee nyɔ anaa apee nza beetua Aye beli so ngonim. Berɛ ama bɛnzone, yiti nnɛma mmenia ne amukoraa bɛkɔ dɔ bɛkɔko.”

2 Petro 1:10

Yiti aliɛmaa mɔ, ɛ́mɔbɔ mmɔden bétira ɛfrɛlɛ bɔ bafrɛ ɛmɔ ne, ɔne ɛnealɛ bɔ baneanea nu baye ɛmɔ ne anu yé, ofikyɛ sɛ ɛmɔyɔ ɛhemɔ a, ɛmɔngofi ase le.