Luka 13:17 - AHYERƐLƐ KRONGRON

¹⁷ Na ɔhane sɔ nen, ye pɔfoɛ nemɔ amukoraa bɛfɛrele; na mmenia ne amukoraa bɛ nye gyele animnyam nningyein bɔ ɔyɔle ne amukoraa nwo.

Luka 13:17 Iomraidhean Croise

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 111:3

Ye nnwumaa te anidie ne animnyam, na ye tenenee wɔ berɛ afebɔɔ.

Edwein 132:18

Ngɔfa animguaseɛ ngɔhera ye pɔfoɛ mɔ, nakoso ye de, ye ahennie abotire bɔ ɔbɔ ye ne, ɔkɔta hyireinn.”

Edwein 40:14

Bɛ bɔ bɛpena kyɛ bede me ngoa befi me sa nu ne, ma bɛ nyunu ogua ase, ná bɛfɛre; bɛ bɔ bɛpena me ne tɛɛ ne, foa bɛ maa besa bɛ si, ná bɛ nyunu ogua ase.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Luka 14:6

Na bangora ɛhe noa ye.

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 20:40

Yiti bangora bammisa ye dwirɛ biala ko.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

2 Timoteo 3:9

Nakoso bɔ bɛyɔ ne ongoosi pasiliwa biala, ofikyɛ bɛ ngwaseasɛm ne kɔla ali wɔ mmenia amukoraa nyunu, kyɛbɔ mmenia nyɔ ne deɛ yɛle ne.

Tito 2:8

edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.