Luka 13:16 - AHYERƐLƐ KRONGRON

¹⁶ Sɔ braa he, ɔte Abraham bosoniɛ bɔ Abɔnzam akyekye ye afoɛ buru ne mmɔtwɛ mumua ɛhe; aso ɔnzɛ kyɛ bɛsangye ye befi ɛkyekyelɛ he anu afofikyẽa anaa?”

Luka 13:16 Iomraidhean Croise

Edwein 107:14

Ɔyele bɛ fili awosii ne ewue bɔnza awosii kabii nu, na obubuli ngɔnzɔngɔnzɔ bɔ ogua bɛ ne anu.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Marko 2:27

Na osele bɛ kyɛ, “Sona ti yeɛ bɛhyehyɛle afofikyẽa ɔ, ná nna afofikyẽa ti yeɛ bɛbɔle sona ɔ.

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Luka 19:9

Na Yesu sele ye kyɛ, “Ɛnɛ kyẽa ye, ngoalelɛ awa awuro he anu, ofikyɛ ye koso ɔte Abraham bosoniɛ.

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

2 Timoteo 2:26

ná banya bɛ ti badidi nu bafi abɔnzam bɔ wahye bɛ nnure kyɛ bɛyɔ ye apɛdeɛ ne, ye ngaen nu.