Luka 13:11 - AHYERƐLƐ KRONGRON

¹¹ Né braa bie wɔ berɛ bɔ sunzum bie afa anwonyerɛ ato ye so afoɛ buru ne mmɔtwɛ ɔ; né ye nu akondo bɔ ɔngora ye nu tengyɛ koraa po ɔ.

Luka 13:11 Iomraidhean Croise

YOB NWOMAA NE 2:7

Yiti Satan fili AWURADE nyunu berɛ hɔle, na ɔpraprale ngena mbiri guale Yob so mane ye nwo tutuli ngena fite ye ti so kɔka ye gya bo.

Edwein 145:14

AWURADE sɔ bɛ bɔ bɛtete begua ɔ amukoraa nu, na ɔma bɛ bɔ baboto ɔ so.

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Edwein 38:6

Me nu akondo, nna ayanga pakayaa, na daa biala medi aworabɔlɛ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 6:2

Ao AWURADE, nwu me anwumvoin, ofikyɛ menwu amaneɛ. Ao AWURADE, sa me anwonyerɛ, ofikyɛ me mmowue nu tutu me.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Marko 9:21

Na Yesu bisale ye baba kyɛ, “Kyinzu yeɛ anwonyerɛ he hane ye ɔ?” Na obuale kyɛ, “Ofi ye ngwadaa nu.

Luka 13:12

Na Yesu nwuni ye ne, ɔfrɛle ye sele ye kyɛ, “Mmobraa, wɔ nwo asande wɔ afi w’anwonyerɛ ne anu!”

Luka 13:16

Sɔ braa he, ɔte Abraham bosoniɛ bɔ Abɔnzam akyekye ye afoɛ buru ne mmɔtwɛ mumua ɛhe; aso ɔnzɛ kyɛ bɛsangye ye befi ɛkyekyelɛ he anu afofikyẽa anaa?”

Luka 21:28

Na sɛ sɔ nningyein nemɔ bɛhyɛ ye bo kyɛ besisi a, ɛ́mɔma ɛmɔ ti so bɛ́nea anwuro, ofikyɛ ɛmɔ lelɛ ne, né wapingye.”

Luka 8:2

yeɛ mmrasua biemɔ bɔ otuli sunzummɔne fili bɛ nu ná ɔsale bɛ anwonyerɛ ɔ koso, yeɛ Maria bɔ oli Magdalene, bɔ otuli sunzummɔne nzoo fili ye nu ne,

Luka 8:27

Na ofili ɛlɛen ne anu dwuli ase nen, biaa bie bɔ ofi kuro berɛ ɔ, bɔ sunzummɔne mɔ bɛte ye nu dadadada ɔ, ooyiale ye. Né waye ye nwo wato so, né ɔtte awuro biala nu, na mmom asieleɛ so ngumaa nu yeɛ ɔte ɔ.

Luka 8:43

Né braa bie bɔ mogya atu ye afoɛ buru ne nyɔ ɔ ɔfora bɛ nu. [Né bɔ ole ye amukoraa wafi ye sa wɔ safoɛ mɔ sa nu], nakoso ebiala angora wanza ye anwonyerɛ.

Asomafoɛ 3:2

Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ.

Asomafoɛ 4:22

Biaa bɔ ɔnate anwanwadeɛ he aso nyane ayaresa nen, né ɔbo afoɛ aburanna.