Luka 12:9 - AHYERƐLƐ KRONGRON

⁹ Nakoso bɔ ɔkɔpo me mmenia nyunu ne de, me koso ngɔpo ye Nyameɛ abɔfo mɔ nyunu.

Luka 12:9 Iomraidhean Croise

Mateo 10:33

Nakoso ebiala bɔ ɔkɔpo me wɔ mmenia nyunu ne, me koso ngɔpo ye me Baba bɔ ɔwɔ nyameɛso ne nyunu.

Mateo 25:12

Nakoso obuale kyɛ, ‘Nahorɛ nu, mekã mekyire ɛmɔ kyɛ, menze ɛmɔ!’

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 22:57

Nakoso ɔsale kyɛ, “Mmobraa, menze ye oo!”

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

1 Yohane 2:23

Sona biala bɔ onne Baa ne ndo nu ne, onne Baba ne koso ndo nu, nakoso ebiala bɔ ode Baa ne to nu ne, ode Baba ne koso to nu.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

Nyekyire 3:8

Mese wɔ nnwumaa. Na tie, mafa anoa bɔ babukye ɔ masie wɔ nyunu, na ebiala ngɔhora nu to; ɔwɔ nu kyɛ w’anwoserɛ te kãa bie, nakoso ali me dwirɛ so, na ambo me dumaa.