Luka 12:5 - AHYERƐLƐ KRONGRON

⁵ Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Luka 12:5 Iomraidhean Croise

Edwein 9:17

Bɔnefoɛ bekowu bɛkɔhɔ ɛborɔ, maen maen amukoraa bɔ bɛ wora fi Nyameɛ ne koso, sɔ ala.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Yeremia 10:7

Ao maen maen mɔ Hene, nwa yeɛ onzuro wɔ ɔ? Ofikyɛ wɔ yeɛ ɛhe fata wɔ ɔ. Amaenmaenso nworɛfoɛ amukoraa nu, yeɛ b’ahennie amukoraa nu, ebiala nne berɛ bɔ ɔte kyɛ wɔ ɔ.

Yeremia 41:18

ɔnate Kaldeafoɛ nemɔ ati. Né besuro bɛ, ofikyɛ né Netania awa Yismael wahũ Ahikam awa Gedalia bɔ Babilɔn hene fale ye yɛle maen ne aso amrado ne.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Marko 13:23

Yiti ɛ́mɔla ɛmɔ nwo so, ofikyɛ mali moa mahã ye mukoraa mahyire ɛmɔ dada.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 20:14

Afei befindini Ewue ne Ɛborɔ beguale see abura ne anu. Ewue bɔ ɔtɔ so nyɔ ɛne.