Luka 12:4 - AHYERƐLƐ KRONGRON

⁴ “Me damvo mɔ, mekã mekyire ɛmɔ kyɛ, nnɛma ɛmɔsuro bɛ bɔ beku anwoɔnaen ne, ná ye si ye bɛngora hwee yɔ ko ɔ.

Luka 12:4 Iomraidhean Croise

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Edwein Nu Dwein 5:16

Ye noa dwudwolɛ yɛ fɛ paa, ye nwo nekaa biala yɛ nyemene. Ao Yerusalem ndaluwa, me kurofoɛ ne, me damvo ne, ye ɛne.

Yesaya 41:8

Nakoso wɔ, me somvoɛ Yisrael, Yakob bɔ maneanea nu maye wɔ ɔ, me damvo Abraham bosoniɛ;

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Yeremia 1:8

Nnɛsuro bɛ nyunu, ngyi wɔ si, na ngɔpepɛ ngole wɔ,” AWURADE noa dwirɛ ɛne.

Yeremia 41:18

ɔnate Kaldeafoɛ nemɔ ati. Né besuro bɛ, ofikyɛ né Netania awa Yismael wahũ Ahikam awa Gedalia bɔ Babilɔn hene fale ye yɛle maen ne aso amrado ne.

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Yohane 15:13

Ebiala nne berɛ bɔ ole ɔdɔ bɔ ɔtra ɛhe ɔ, kyɛ ebie kɔfa ye ngoa kɔto berɛ kɔma ye damvo mɔ ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Filipifoɛ 1:28

bɔ ɛmɔmma ɛmɔ pɔfoɛ mɔ bennwunanwuna ɛmɔ wɔ nikyee biala nu ɔ. Na ɛhe te eminilɛ bɔ bekomini ne nwo nzɛngyerɛnneɛ ma bɛ; nakoso ɛmɔ de, ɔte ngoalelɛ bɔ ofi Nyameɛ berɛ ma ɛmɔ.

Yakobo 2:23

Na ɛhe mane Ahyerɛlɛ ne wale nu kyɛ, “Abraham lele Nyameɛ lili, na obuli sɔ tenenee mane ye”; na bɛfrɛle ye Nyameɛ damvo.

1 Petro 3:14

Nakoso sɛ tenenee ti ɛmɔnwu amaneɛ a, ɔte saleɛ ma ɛmɔ. Nnɛmɔma bɛ nwo suronyi tɔ ɛmɔ so, yeɛ nnɛmɔma ɛmɔ kunu tete ɛmɔ;

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.