Biblia Todo Logo
Bìoball air-loidhne

- Sanasan -




Luka 12:37 - AHYERƐLƐ KRONGRON

37 Na ngoaa bɔ bɛ mene ba a, ɔbato bɛ kyɛ bɛwɛne ne, benya saleɛ! Nahorɛ nu, mekã mekyire ɛmɔ kyɛ, ɔkɔbɔ ye abɔsoɛ, ɔkɔmaa bɛkɔtena poen nwo, ná wawa waaso bɛ.

Faic an caibideil Dèan lethbhreac




Luka 12:37
25 Iomraidhean Croise  

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.


Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.


AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.


Yiti ɛ́mɔwɛne, ofikyɛ ɛmɔnze kyẽa horɛ bɔ ɛmɔ Awurade kɔwa ɔ.


ná ɛ́mɔyɛ kyɛ mmenia bɔ bɛnwondɛ kyɛ bɛ mene kofi atɔmvorɛ bo kɔwa ɔ; amaa sɛ ɔba babɔ anoa nu a, babukye ye berɛ ne ala!


Akoaa bɔ ye mene ba banwu ye kyɛ sɔ ala yeɛ ogu so ɔyɔ ne, onya saleɛ.


Aso ongose ye kyɛ, ‘To m’aleɛ, ná bɔ w’abɔsoɛ so me, na medidi ná meno meyie a, ye si ye né wɔ koso adidi ná ano.’?


Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”


Na bɛ nu nwa yeɛ ɔte titire ɔ: bɔ ɔte poen nwo odidi ne, anaakyɛ bɔ ɔso ne? Aso nna bɔ ɔte poen nwo odidi ne ɔ? Nakoso me de, nwɔ ɛmɔ nu kyɛ ebie bɔ ɔso ɔ.


Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”


Nakoso bahyerɛ kyɛ, “Bɔ anyeɛ nnwuni ye, anaa bɔ asoɛ ɔttele ye le, anaa bɔ ebiala ɔddwenene ye nwo le ne, yeɛ ɔte nikyee bɔ Nyameɛ asiesie ama bɛ bɔ bekuro ye dwirɛ ɔ.”


Na me de, nde ase ma Kristo, na ewue te mvasoɛ ma me.


Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,


Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.


Yiti aliɛmaa mɔ, ɔnate kyɛ ɛmɔnwondɛ sɔ nningyein hemɔ ne ati, ɛ́mɔbɔ mmɔden kyɛ okonwu ɛmɔ wɔ asomdwee nu, bɔ ngekalewa anaa nnɛen biala nne ɛmɔ nwo ɔ.


Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”


(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)


Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.


Ofikyɛ Boaen Ba bɔ ɔwɔ ahennie bia n’afia berɛ ne, ɔkɔyɛ bɛ Neafoɛ, ɔkɔyɛ bɛ taataa kɔhɔ ngoa asue mɔ ti, na Nyameɛ kokyikyi bɛ nye abo moen amukoraa.”


Lean sinn:

Sanasan


Sanasan