Luka 12:33 - AHYERƐLƐ KRONGRON

³³ Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 12:33 Iomraidhean Croise

Anyandera 13:7

Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 12:21

Na sɔ ala yeɛ sona bɔ ɔboaboa agyapadeɛ noa ma ye nwo, nakoso olle anwonyadeɛ huu wɔ Nyameɛ nu ne ɔte ɔ.”

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Yohane 12:6

Nna kyɛ ɔdwene ehiafoɛ nwo ti yeɛ ɔmaa ɔhane sɔ ɔ; na mmom ɔte awueniɛ ti ɔ. Ye yeɛ né otira sikaabɔtɔ ne ɔ, na né owua bɔ bɛfa begua nu ne ati ɔ.

Asomafoɛ 2:45

Bɛtɔnene b’agyapadeɛ ne bɛ nwo nningyein, na bɛhyɛle sikaa ne bɛmane ebiala kyɛbɔ ohia ɔ.

2 Korintofoɛ 8:2

B’anwokyere ne nzɔhwɛ kandinga ne asi, benyane anika mmorosoɛ wɔ bɛ hiaa ne anu maa bɛyele bɛ kunu bɛyɔle adɔeɛ kandinga paa.