Luka 12:32 - AHYERƐLƐ KRONGRON

³² “Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 12:32 Iomraidhean Croise

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Mateo 14:27

Na berɛ ne ala, Yesu sele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; nnɛma ɛmɔsuro!”

Mateo 20:16

(Na Yesu hã toale so kyɛ,) “Yiti bɛ bɔ beli nziɛ ne, bekoli moa, yeɛ bɛ bɔ beli moa ne, bekoli nziɛ.” [Ofikyɛ bafrɛ pee, nakoso kãa bie yeɛ baneanea nu baye bɛ ɔ.]

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

2 Tɛsalonika 1:11

Yiti daa yɛbɔ mbaeɛ yɛma ɛmɔ, kyɛ yɛ Nyameɛ obu ɛmɔ kyɛ ɛmɔfata ye frɛlɛ ne, ná ɔfa ye tumi so ma ɛmɔhora bɛyɔ paa biala bɔ ɛmɔpena kyɛ ɛmɔyɔ ɔ, ná ɔma ɛmɔ gyidie adwuma li mu;

2 Tɛsalonika 1:5

Na ɛhe kyire kyɛ Nyameɛ ndɛenbualɛ te turoloo, bɔ ɔkɔma ɛmɔ kɔfata Nyameɛ ahennie bɔ yiti yeɛ ɛmɔnwu amaneɛ ne.

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.