Luka 12:21 - AHYERƐLƐ KRONGRON

²¹ Na sɔ ala yeɛ sona bɔ ɔboaboa agyapadeɛ noa ma ye nwo, nakoso olle anwonyadeɛ huu wɔ Nyameɛ nu ne ɔte ɔ.”

Luka 12:21 Iomraidhean Croise

Anyandera 13:7

Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 16:11

Na sɛ ɛmɔanni nahorɛ wɔ anwonyadeɛ fiɛ nu a, nwa yeɛ ɔkɔfa anwonyadeɛ paa ne kowura ɛmɔ sa ɔ?

Luka 6:24

“Nakoso ɛmɔ bɔ ɛmɔanya ɛmɔ nwo de, ɛmɔ yaakɔ! Ofikyɛ ɛmɔanya ɛmɔ aworakyekyerɛ dada!

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

1 Timoteo 6:9

Nakoso bɛ bɔ bɛpena kyɛ benya bɛ nwo ne, bɛtɔ nzɔhwɛ ne ngaen ne ngwaseaa akɔnnɔ bɔ ɔtte mayee mma sona, bɔ ɔfa bɛ kɔ ɛsɛkyelɛ ne eminilɛ nu ne anu ɔ.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.