Luka 12:20 - AHYERƐLƐ KRONGRON

²⁰ Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 12:20 Iomraidhean Croise

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

YOB NWOMAA NE 27:8

Sona bɔ ɔnze Nyameɛ ne, sɛ Nyameɛ pɛ ye ngoa so a, sɛ ode ye ngoa fi ye sa nu a, ye anyelasoɛ wɔ ni?

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Edwein 78:30

Nakoso mmerɛ bɔ né bɛ komvi tɛwɔ so, bɔ né aleɛ ne tɛ wura bɛ noa nu ne,

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 13:7

Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Amose 6:13

Ɛmɔ bɔ ɛmɔhoahoa ɛmɔ anwo kyɛ ɛmɔali Lodeba kuro ne aso ngonim, bɔ ɛmɔkekã kyɛ, “Aso nna yɛ bɔbɔ y’anwoserɛ yeɛ yafa yali Karenaim so ngonim ɔ?”

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Luka 11:40

Ngwaseafoɛ! Bɔ ɔyɔle bɛ nwo ne, aso nna ye ala yeɛ ɔyɔle nu ne koso ɔ?

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Timoteo 6:7

ofikyɛ yamva hwee yamma wiase, yeɛ yɛngɔhora ngɔfa hwee ngofi wiase ngɔhɔ.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.