Luka 12:19 - AHYERƐLƐ KRONGRON

¹⁹ ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Luka 12:19 Iomraidhean Croise

YOB NWOMAA NE 14:1

“Dasaniɛ bɔ brasua awo ye ɔ, ye ngoa te tika, na amaneɛ ngome.

Edwein 49:18

Mmerɛ bɔ ɔte ngoa nu ne, obuli ye nwo kyɛ wayie ye yé, ofikyɛ sɛ sona nya ye nwo a, mmenia kamvo ye.

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 14:24

Anwonya te nworɛfoɛ b’abotire, na ngwaseafoɛ de, egyiminɛ ala yeɛ bagyimi ɔ.

Anyandera 18:11

Sikaniɛ anwonya yeɛ ɔte ye kuro bɔ wato ye nwo fasue ɔ, osusu kyɛ ɔte fasue tendenn.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 5:11

Bɛ yaakɔ! Bɛ bɔ bɛpɛ aleɛ bedwɔso bekodi nzaa serɛ si, bɛ bɔ besiri pɛ bɛno nzaa toonn bɛbo ɔ!

Yesaya 5:8

Bɛ yaakɔ! Bɛ bɔ basesa sua mɔ babɔ so, bɔ basesa eboo mɔ babɔ so, kɔpem kyɛ bɛkɔkandam ye mukoraa so, kɔpem kyɛ bɛ ngome bɛkɔha wɔ aseɛ ne aso ɔ.

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Hosea 12:8

Efraim nwa, “Aa, manya me nwo, manya anwonyadeɛ.” M’adwumayɔlɛ amukoraa nu, bannwu amumuyɛɛ biala wɔ me nu, bɔ ɔte bɔne ɔ.

Amose 6:13

Ɛmɔ bɔ ɛmɔhoahoa ɛmɔ anwo kyɛ ɛmɔali Lodeba kuro ne aso ngonim, bɔ ɛmɔkekã kyɛ, “Aso nna yɛ bɔbɔ y’anwoserɛ yeɛ yafa yali Karenaim so ngonim ɔ?”

Habakuku 1:16

Yiti bɛbɔ afɔleɛ bɛma b’asawu ne, bɛyera ɛyɛɛ bɛma bɛ tɛen ne; ofikyɛ ɔnate bɛ so yeɛ bɛtena ase wɔ anwotɔ nu ɔ.

Luka 12:18

Na osele kyɛ: ‘Mese bɔ ngɔyɔ ɔ: Ngobubu me pata nemɔ ngogua, ná masisi bɔ bɛte mbiri ɔ, na berɛ yeɛ ngɔfa me nnɔbaeɛ ne me nningyein amukoraa ngosie ɔ;

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

1 Korintofoɛ 15:32

Na sɛ anwoɔnaen nu mvasoɛ ti yeɛ me ne ngekaboa yɛhone Ɛfeso de a, né mvasoɛ beni yeɛ ngonya ɔ? Yiti sɛ awufoɛ ngodwɔso de a, nzaade “ɛmɔma yɛdidi na yɛno, ofikyɛ ɛhema né yawu.”

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Timoteo 5:6

Nakoso brasua kunaniɛ bɔ wama ahohwibra ali ye ti ne de, ɔte teaseawuo.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

Yakobo 5:5

Ɛmɔ asetena nu wɔ aseɛ ye aso te anigye ne ahohwibra; na ɛmɔayɛ bɛ nwo twɔtwɔfee bama akumyɛɛ kyẽa ne.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

1 Samuel 30:16

Misraimniɛ ne fale Dawide hɔle apaabɔlɛfoɛ nemɔ dɔ. Né bayɛ berɛ amukoraa birikabirika. Né begu so bedidi, bɛno, bego abilie, ɔnate koɛ nu nzesadeɛ worawora bɔ baafa ye Filistifoɛ aseɛ so ne Yuda aseɛ so ne ati.