Luka 12:17 - AHYERƐLƐ KRONGRON

¹⁷ Na osusuli ye nwo wɔ ye ti anu kyɛ, ‘Ɛhe de, ngɔyɛ ye sɛ koraa, ofikyɛ nnne nekaa bɔ ngɔfa me nnɔbaeɛ ne ngosie ɔ?’

Luka 12:17 Iomraidhean Croise

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Mateo 16:7

Na bɛdwenedwenene ye nwo bɛhane kyɛ, “Yamva paanoo yamma ne ati ɔ.”

Mateo 5:42

Sɛ ebie srɛ wɔ dɔ nikyee a, fa ma ye; yeɛ sɛ ebie pena kyɛ ɔfɛmo wɔ dɔ nikyee a, nnɛfa bɔ ye atianuserɛ.

Luka 10:25

Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 12:16

Na obuli bɛ anyandera he: “Esikaniɛ bie ye aseɛ hyene aleɛ pee.

Luka 12:18

Na osele kyɛ: ‘Mese bɔ ngɔyɔ ɔ: Ngobubu me pata nemɔ ngogua, ná masisi bɔ bɛte mbiri ɔ, na berɛ yeɛ ngɔfa me nnɔbaeɛ ne me nningyein amukoraa ngosie ɔ;

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

Luka 12:29

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 16:3

Na hwɛsoniɛ ne hane ye ye ti anu kyɛ, ‘Na ɛhe de, meyɛ ye sɛ, ofikyɛ me mene ɔbaale nhwɛsoɛ adwuma ne ofi me sa nu. Me nwo nyɛ se bɔ ngɔhora adwuma serɛ yɔ ɔ, yeɛ mefɛre koso kyɛ ngɔsrɛsrɛ ɔ.

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 19:17

Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Luka 3:11

Na obuale bɛ kyɛ, “Sona bɔ ole ataadeɛ aguasoɛ nyɔ ne, maa ɔhyɛ nu ma bɔ olle bie ɔ bie; yeɛ bɔ ole aleɛ ne koso, maa ɔyɔ sɔ ala.”

Asomafoɛ 16:30

Afei ɔyele bɛ fitele, na obisale bɛ kyɛ, “Me mene mɔ, nzu yeɛ nyɔ na manya daa ngoa ɔ?”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.