Luka 12:15 - AHYERƐLƐ KRONGRON

¹⁵ Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 12:15 Iomraidhean Croise

1 Ahemvo 2:40

Simei dwɔsole siesiele ye afunum, na ɔhɔle Akise berɛ wɔ Gate kyɛ ɔkwaapena ye nganga nemɔ. Simei ɔɔfale ye nganga nemɔ fili Gate wale.

YOB NWOMAA NE 2:4

Na Satan buale AWURADE kyɛ, “Na ye nwonaen koso ɛ! Bɔ sona le ye amukoraa, okuro kyɛ ɔkɔmaa ɔkɔhwere ye, ná wanya ngoa.

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Anyandera 15:16

Kyɛ ekosuro AWURADE ná ekonya nikyee kaaba ne, ɔte paa tra anwonyadeɛ pee bɔ amaneɛ boka so ɔ.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Anyandera 28:16

Maen panyi bɔ ɔnze nworɛ ne, ɔhyɛ ye mmenia so paa, nakoso bɔ okyi anwonya fiɛ ne de, okonyi kɔhyɛ.

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Luka 12:16

Na obuli bɛ anyandera he: “Esikaniɛ bie ye aseɛ hyene aleɛ pee.

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Luka 8:14

Bɔ beguale mmowue nu ne, bɛ ole mmenia bɔ bɛte dwirɛ ne, nakoso befi berɛ bɛ́kɔ a, asetena nu dadwene ne anwonyadeɛ ne anigye miamia bɛ, na bɛ mma nemɔ bendi.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

2 Timoteo 3:2

Ofikyɛ mmenia kɔyɛ pɛsɛmangomenya, sikanyeboro, anwohoahoa, anwomasoɛ, musue dwirɛ kekanɛfoɛ, bɛkɔyɛ awofoɛ so asoserɛ, boniayɛfoɛ, mmenia bɔ bɛmva krongronyɛlɛ bɛnyɛ huu,

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.