Luka 12:14 - AHYERƐLƐ KRONGRON

¹⁴ Na Yesu buale ye kyɛ, “Ngyabiaa, nwa yeɛ ɔfale me sili ndɛenbualɛniɛ anaa kyɛfoɛ wɔ ɛmɔ so ɔ?”

Luka 12:14 Iomraidhean Croise

Ɛksadɔso 2:14

Na obuale kyɛ, “Nwa yeɛ ɔyɛle wɔ yɛ so panyi ne ndɛenbualɛniɛ ɔ? Ɛpena kyɛ eku me kyɛbɔ ehuni Misraimniɛ ne anaa?” Yiti edwirɛ ne mane Mose surole, na ɔhane ye ye ti anu kyɛ, “Eh, edwirɛ ne afite amba!”

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Luka 12:13

Na ebie fili ɛlɔen ne anu sele Yesu kyɛ, “Kyerɛkyerɛniɛ, dwudwo kyire nniɛma ná ɔma yɛhyɛ agyapadeɛ bɔ bafa bayakyi yɛ ne.”

Luka 22:58

Na ɔhyɛle kãa nen, sona foforɛ nwuni ye, na ɔhane kyɛ, “Wɔ koso ɛboka bɛ so!” Nakoso Petro hane kyɛ, “Ngyabiaa, mmmoka bɛ so oo!”

Luka 5:20

Na onwuni bɛ gyidie nen, osele ye kyɛ, “Ngyabiaa, bafa wɔ bɔne bahyɛ wɔ.”

Yohane 6:15

Yeɛ Yesu nwuni kyɛ bɛbaahye ye mbendene so bɛfa ye bedi hene, yiti ɔhwene ye nwo, na ye ngome ɔhɔle bokaa ne aso dɔ bieku.

Yohane 8:11

Na obuale kyɛ, “Daabi, me Mene, ebiala ammua me foɛ.” Yeɛ Yesu sele ye kyɛ, “Me koso memmua wɔ foɛ; kɔ, na nnɛkɔyɔ bɔne ko.”

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Romanfoɛ 2:3

Yiti sɛ ɛyɔ sɔ nningyein nemɔ, na sɛ ebua bɛ bɔ bɛyɔ bie ne ndɛen a, aso esusu kyɛ Nyameɛ ndɛenbualɛ ne kɔpa wɔ ti?

Romanfoɛ 9:20

Nzaade kuro sona, wɔ ole nwa bɔ ɛne Nyameɛ di nyeyeanoɛ ɔ? Bua ngora mmisa bɔ ɔnwone ye ne kyɛ, “Nzu ati yeɛ ɛnwone me sɔa ɔ?”