Luka 12:11 - AHYERƐLƐ KRONGRON

¹¹ “Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 12:11 Iomraidhean Croise

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Mateo 6:27

Ɛmɔ nu beni yeɛ ɔkɔhora kɔfa adwenedwene so kɔfa ɛlɛho po kɔtoa ye ngoa so ɔ?

Mateo 6:28

“Na nzu ati yeɛ ɛmɔdwenedwene ndena nwo ɔ? Ɛ́mɔnea eburo sukooko, ɔne kyɛbɔ besi benyi ɔ. Bɛnyɔ adwuma, yeɛ bɛndo gyese.

Mateo 6:31

“Yiti nnɛmaa ɛmɔdwenedwene bɛkã kyɛ, ‘Nzikyɛ yeɛ yɛkoli ɔ, anaa nzikyɛ yeɛ yɛkɔno ɔ, anaa nzikyɛ yeɛ yɛkɔhera ɔ.

Mateo 6:34

Yiti nnɛma ɛmɔdwene ɛhema deɛ nwo, ofikyɛ ɛhema bɔbɔ deinn ɔkɔdwene ye nwo. Kyẽa biala nu adwenedwene sone ma sɔ kyẽa ne.”

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.