Luka 11:9 - AHYERƐLƐ KRONGRON

⁹ “Yiti mekã mekyire ɛmɔ kyɛ: Ɛ́mɔbisa, na bɛkɔfa bɛkɔma ɛmɔ; ɛ́mɔpena, na ɛmɔkonwu ye; ɛ́mɔbɔ nu, na bekobukye ɛmɔ.

Luka 11:9 Iomraidhean Croise

Edwein 118:5

M’amaneɛnwunɛ ne anu, nzu mvrɛle AWURADE; AWURADE buale me, na ɔyele me fili nu.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 27:8

Ahã ahyire me kyɛ, “Pena me si atee!” Na mmuale kyɛ, “AWURADE, wɔ si atee yeɛ mepena ɔ.”

Edwein 34:10

Gyata akrɔngrɔma mɔ po, nikyee hia bɛ, na ɛhɔen koso ku bɛ. Nakoso bɛ bɔ bɛfa bɛ nwo bɛto AWURADE so ne de, nikye paa biala nhia bɛ.

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein Nu Dwein 5:6

Mmukyele me kurofoɛ ne, nakoso né me kurofoɛ ne akakyi ye nwo wasa wahɔ. Me wora bɔle kyɛ wahɔ ɔ, mbenane ye, nakoso mannwu ye, mvrɛle ye, nakoso wanzuro.

Yesaya 45:19

Nna mvealeɛ nu yeɛ ndwudwole ɔ, nna aseɛ so nekaa bie bɔ ɔte awosii ɔ; manga mangyire Yakob boso ama kyɛ, ‘Odi kyɛ ɛmɔpena me si atee wɔ basabasayɔlɛ nu.’ Me ole AWURADE bɔ medwudwo nahorɛ nu ɔ, edwirɛ bɔ ɔtengyɛ yeɛ mekã ɔ.

Yeremia 29:12

Afei ɛmɔkosu bɛkɔfrɛ me, ɛmɔkɔwa bɛkɔɔbɔ mbaeɛ bekohyire me, na ngotie ɛmɔ.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Mateo 21:31

Bɛ munyɔ ne, bɛ nu beni yeɛ ɔyɔle ye baba apɛdeɛ ɔ?” Na bebuale kyɛ, “Bɔ oli moa ne ɔ.” Yeɛ Yesu sele bɛ kyɛ, “Nahorɛ nu, mekã mekyire ɛmɔ kyɛ, ɛtoɔdidelɛfoɛ ne adwamanbɔlɛfoɛ bédi ɛmɔ nyunu moa bɛkɔ Nyameɛ ahennie ne anu.

Mateo 6:29

Nakoso mekã mekyire ɛmɔ kyɛ, Solomon animnyam amukoraa nu ne po, ye anwosiesie ne ando ɛhemɔ anu ko po.

Marko 11:24

Yiti, mekã mekyire ɛmɔ kyɛ: Nikyee biala bɔ ɛmɔbisa wɔ mbaeɛbɔlɛ nu ne, ɛmɔle beli kyɛ ɛmɔ sa kɔhã ye, na ɔkɔyɛ berɛ kɔma ɛmɔ.

Marko 13:37

Na bɔ mekã mekyire ɛmɔ ye, mekã mekyire mmenia mukoraa. Ɛ́mɔwɛne!”

Luka 11:10

Ofikyɛ ebiala bɔ obisa ne, ye sa kã ye; na ebiala bɔ ɔpena ne, onwu ye; yeɛ bɔ ɔbɔ nu ne, bebukye ye.

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

2 Korintofoɛ 6:2

Ɔnate kyɛ ɔnwa: “Mmerɛ bɔ ɔsɛ ɔ nu ndiele wɔ, na mmokale wɔ wɔ ngoalelɛ kyẽa ne. Menwa ɛnɛ te adom mmerɛ, ɛnɛ te ngoalelɛ kyẽa.”

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yakobo 5:15

Gyidie mbaeɛ kole yarefoɛ ne ngoa, na Awurade kɔpagya ye; na sɛ wayɔ bɔne a, ɔkɔfa kɔhyɛ ye.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

Nyekyire 2:24

Nakoso ɛmɔ ngaa bɔ baha Tiatira, bɔ ɛmɔnni sɔ ngyerɛkyerɛ ne aso, bɔ ɛmɔanzua bɔ mmenia frɛ ye Satan mvealeɛ nu dwirɛ ne de, ɛmɔ yeɛ mekã mekyire ɛmɔ kyɛ, mengɔfa adesoa foforɛ mengɔto ɛmɔ so.