Luka 11:51 - AHYERƐLƐ KRONGRON

⁵¹ ofi Abel mogya so kodwu Sakaria bɔ behuni ye wɔ afɔleɛ bokyea ne ne nekaa krongron berɛ b’afia ne, ye mogya so. Yoo, mekã mekyire ɛmɔ kyɛ, ye nwo asodie kɔla ɛnɛmmafoɛ so.

Luka 11:51 Iomraidhean Croise

Gyenesise 4:2

Nziɛ ye, ɔwole oliɛma bienzua Abel. Né Abel te mmoaenneafoɛ, yeɛ Kein koso te kuaniɛ.

Yeremia 7:28

Kã kyire bɛ kyɛ, ‘Maen bɔ wandie AWURADE ye Nyameɛ dwirɛ, ná wanne ɛtengyɛlɛ bɔ ɔtengyɛ ye wando nu ne, ye ɛhe. Nahorɛ ayie, watu wamini wafi bɛ noa.

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.