Luka 11:49 - AHYERƐLƐ KRONGRON

⁴⁹ Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Luka 11:49 Iomraidhean Croise

Yeremia 7:25

Ofi kyẽa bɔ ɛmɔ nana mɔ befili Misraim aseɛ so bɛwale bɔ ɔbaadwu ɛnɛ ɔ, mahɔ so masoma me somvoɛ ngɔmhyɛlɛfoɛ amukoraa dee wɔ ɛmɔ berɛ,

Mateo 22:6

yeɛ bɛ ngaa ne wora bɛhyele ye somvoɛ nemɔ beguale bɛ nyunu ase, na behuni bɛ.

Luka 11:48

Yiti, ɛmɔdi ɛmɔ nana mɔ yɔleɛ ne nwo adanzeɛ, na ɛmɔpene so, kyɛ bɛ yeɛ behuhuni bɛ ɔ, yeɛ ɛmɔ koso ɛmɔto b’asieleɛ so ɔ.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 11:27

Na sɔ mmerɛ ne anu, ngɔmhyɛlɛfoɛ biemɔ fili Yerusalem bɛwale Antiokia.

Asomafoɛ 22:20

Na mmerɛ bɔ behwie w’adanzeniɛ Setefano mogya begua ne, né me koso nwɔ berɛ bie, mbenene ye hunɛ ne aso, na nneane bɛ bɔ behuni ye ne ndaadeɛ so mane bɛ.’

Asomafoɛ 7:57

Berɛ ne ala badwafoɛ ne teane nu serɛserɛ, bɛfale bɛ sa betuatuale bɛ so, na bɛbɔle twi bɛɛto bɛhyɛle ye so.

Asomafoɛ 8:3

Nakoso Sɔɔlo de, ɔbɔle mmɔden ala kyɛ ɔkɔha asɔre ne; owurawurale awuro mɔ nu hyehyele agyidifoɛ mmienzua ne mmrasua maa bɛfale bɛ beguale kuku nu.

1 Korintofoɛ 1:24

Na bɛ bɔ bafrɛ bɛ ne de, Yudafoɛ oo, Helafoɛ oo, Kristo te Nyameɛ tumi ne ye nworɛ ma bɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”