Luka 11:41 - AHYERƐLƐ KRONGRON

⁴¹ Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 11:41 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 41:1

Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Mateo 26:11

Ɛmɔ ne ehiafoɛ wɔ berɛ daa, nakoso me de, nna ɛmɔ ne me yeɛ bɛwɔ berɛ daa ɔ.

Mateo 5:42

Sɛ ebie srɛ wɔ dɔ nikyee a, fa ma ye; yeɛ sɛ ebie pena kyɛ ɔfɛmo wɔ dɔ nikyee a, nnɛfa bɔ ye atianuserɛ.

Marko 7:19

Ofikyɛ ɔngɔ ye ahone nu, na mmom ɔkɔ ye kunu, na ɔsẽ gua yaen nu.” (Ɔhane he fa tele aleɛ mukoraa nwo.)

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Asomafoɛ 10:15

Na ɔtele dwudwolɛ bieku kyɛ, “Nikyee biala bɔ Nyameɛ ate ye nwo kyɛ beli ne, nnɛbu ye kyɛ ɔte akyiwadeɛ.”

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 24:17

“Na afei afoɛ pee asi, mmale kyɛ mebaayɛ me maen adɔeɛ ná mebɔ afɔleɛ mema Nyameɛ.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.