Luka 11:40 - AHYERƐLƐ KRONGRON

⁴⁰ Ngwaseafoɛ! Bɔ ɔyɔle bɛ nwo ne, aso nna ye ala yeɛ ɔyɔle nu ne koso ɔ?

Luka 11:40 Iomraidhean Croise

Gyenesise 1:26

Afei Nyameɛ sele kyɛ, “Ɛ́mɔma yɛyɔ sona kyɛ yɛ sɛso, ma osoma yɛ; ná yɛ́ma benya tumi wɔ ɛpo nu ngaka so, ewienu nnomaa so, awuro ngaka so, aseɛ amukoraa so, ɔne kaka biala bɔ ɔtwe ye nwo ase wɔ aseɛ so ɔ so.”

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 33:15

Ye yeɛ ɔbɔle bɛ mukoraa b’adwene ɔ, na onwu bɔ bɛyɔ amukoraa.

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 8:5

Ɛmɔ bɔ ɛmɔ adwene te nganga ɔ, odi kyɛ ɛmɔma ɛmɔ adwene nu bukye, ɛmɔ, ngwaseafoɛ, ɛ́mɔsua nworɛ.

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Mateo 23:17

Ɛmɔ, ngwaseafoɛ ne anyesiniwaafoɛ! Beni yeɛ odi mu ɔ? Esikaa kɔkorɛ ne, anaakyɛ asɔneyɛɛ sua ne bɔ ɔma sikaa kɔkorɛ ne nwo te ne?

Mateo 23:26

Farasiiniɛ anyesiniwaaniɛ! Wɔ, di moa nwunzi kwangoa ne prɛte ne anu koraka, na ye nwo koso kofi.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

1 Korintofoɛ 15:36

Kwaseaa! Sɛ edua nikyee a, ongofifi, sana owu koraka.

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?