Luka 11:4 - AHYERƐLƐ KRONGRON

⁴ ná fa yɛ bɔne kyɛ yɛ, ofikyɛ yɛ koso yɛfa ebiala bɔ ɔfõ yɛ ɔ ye deɛ yɛkyɛ ye. Na nnɛfa yɛ kɔ nzɔhwɛ nu.’ ”

Luka 11:4 Iomraidhean Croise

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

1 Ahemvo 8:34

ye de tie bɛ wɔ nyameɛso, fa wɔ maen Yisrael bɛ bɔne kyɛ bɛ, ná aseɛ bɔ ɛfa mane bɛ nana mɔ ne, sa fa bɛ bra so.

1 Ahemvo 8:36

ye de tie bɛ wɔ nyameɛso, ná fa wɔ ngoaa bɔ bɛ ole wɔ maen Yisrael ne bɛ bɔne kyɛ bɛ, wɔ aberɛ bɔ ekyire bɛ atee paa bɔ odi kyɛ bɛfa so ɔ. Ma esue tɔ wɔ w’aseɛ bɔ afa ama wɔ mmenia maa wayɛ b’agyapadeɛ ne aso.

Edwein 121:7

AWURADE kɔbɔ wɔ nwo waen kofi musue amukoraa nu; ɔkɔbɔ wɔ kra nwo waen.

Edwein 25:11

Ao AWURADE, wɔ dumaa ti, fa me bɔne kyɛ me, ofikyɛ ɔte piri.

Edwein 25:18

Nea yealɛ ne amaneɛ bɔ menwu ye ɔ, ná fa me bɔne amukoraa kyɛ me.

Daniel 9:19

O AWURADE, tie; O AWURADE, fa yɛ bɔne kyɛ yɛ; O AWURADE, tie yɛ ná boka yɛ; nnɛkyɛ, o me Nyameɛ, ɔnate wɔ bɔbɔ wɔ ti, ofikyɛ wɔ dumaa yeɛ ɔla wɔ kuro ne ne wɔ maen ne aso ɔ.”

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Mateo 18:35

“Na sɛ ɛmɔanye ɛmɔ kunu fitaa bamva ɛmɔ aliɛma mvomsoɛ bangyɛ ye a, sɔ ala yeɛ me Baba bɔ ɔwɔ nyameɛso ne koso kɔyɛ ɛmɔ ɔ.”

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Luka 11:5

Na osele bɛ kyɛ, “Yɛfa ye kyɛ, ɛmɔ nu bie ole obiɛngo, ná ɔkɔ ye berɛ abunnamu kose ye kyɛ, ‘Me damvo, fɛmo me paanoo nza,

Luka 13:4

Anaa mmenia buru ne mmɔtwɛ bɔ Siloam abandenden bu guale bɛ so huni bɛ ne, ɛmɔdwene kyɛ né bɛte bɔnefoɛ bɛtra mmenia amukoraa bɔ bɛte Yerusalem anaa?

Luka 22:46

Na osele bɛ kyɛ, “Nzu ati yeɛ ɛmɔdafe ye? Ɛ́mɔdwɔso bɛ́bɔ mbaeɛ ná ɛmɔangɔ nzɔhwɛ nu.”

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Yohane 17:15

Menzrɛ wɔ kyɛ ɛye bɛ fi wiase, na mmom kyɛ: Bɔ bɛ nwo waen fi bɔnefoɛ ne sa nu.

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

2 Tɛsalonika 3:3

Nakoso Awurade di nahorɛ; ɔkɔma ɛmɔ kogyina pindinn, ná wabɔ ɛmɔ nwo waen wafi bɔnefoɛ ne sa nu.

2 Timoteo 4:18

Awurade kɔpepɛ kole me kofi musue amukoraa nu, na okole me kɔhɔ ye nyameɛso ahennie ne anu. Ye yeɛ animnyam ɔte ye deɛ daa daa afebɔɔ ɔ. Amen.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.