Luka 11:35 - AHYERƐLƐ KRONGRON

³⁵ Yiti nea yé né kanea bɔ ɔwɔ wɔ nu ne wangakyi awosii.

Luka 11:35 Iomraidhean Croise

Anyandera 16:25

Atee bie wɔ berɛ a, ɔte paa wɔ kuro sona nye so, nakoso ye ayieleɛ te ewue atee.

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Mateo 6:22

“Anyeɛ te nipadua kanea. Yiti sɛ wɔ nye nwu nikyee yé a, wɔ nipadua ne amukoraa kɔyɛ hyireinn.

Luka 11:34

Wɔ nye te nipadua ne kanea. Yiti sɛ wɔ nye nwu nikyee yé a, wɔ nipadua ne amukoraa te hyireinn; nakoso sɛ wɔ nye te wusiwusi a, wɔ nipadua ne amukoraa koso te awosii.

Luka 11:36

Sɛ wɔ nipadua ne amukoraa te hyireinn bɔ awosii nne ye nekaa biala a, nipadua ne amukoraa kɔyɛ hyireinn, kyɛbɔ kanea ta hyireinn ma wɔ ne.”

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

2 Petro 1:9

Ofikyɛ sona biala bɔ sɔ suban nemɔ wabɔ ye ne, ɔte anyesiniwaaniɛ, ye nye so yɛ ye wusiwusi, na ye wora afi kyɛ bate ye nwo bafi ye bɔne bɔ wayɔ ye daa ne nwo ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.