Luka 11:34 - AHYERƐLƐ KRONGRON

³⁴ Wɔ nye te nipadua ne kanea. Yiti sɛ wɔ nye nwu nikyee yé a, wɔ nipadua ne amukoraa te hyireinn; nakoso sɛ wɔ nye te wusiwusi a, wɔ nipadua ne amukoraa koso te awosii.

Luka 11:34 Iomraidhean Croise

Gyenesise 19:11

Afei bɛmane mmenia bɔ begyigyi anoa nu berɛ ne nye sini, fite ngwadaa so kodwu mbanyi so, na bɛfale bɛ sa befuafuale bɛpenane anoa ne.

Edwein 119:18

Bukye me nye maa nwu anwanwadeɛ wɔ wɔ mmeraa ne anu.

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Anyandera 21:4

Anyeɛ bɔ ɔnzɔ sona ne anwomasoɛ, bɛte bɔnefoɛ kanea, bɛte bɔne.

Anyandera 28:22

Sona bɔ ɔperepere ye nwo nya ye nwo ne, ɔte anyeboroborolɛniɛ, na ɔndwene kyɛ ehiaa kɔwa ye so ɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 42:19

Nwa yeɛ ye nye asi kyɛ me somvoɛ, anaa nwa yeɛ ye so ati kyɛ me bɔfoɛ bɔ mesoma ye ne ɔ? Nwa yeɛ ye nye asi kyɛ bɔ watu ye nwo wasie berɛ wama me ne ɔ, anaa ye nye asi kyɛ AWURADE somvoɛ ne ɔ?

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Marko 8:18

Ɛmɔle anyeɛ, nakoso ɛmɔnnwu nikye hɔ ɔ? Ɛmɔle asoɛ, nakoso ɛmɔnde dwirɛ hɔ ɔ? Yiti ɛmɔngaye?

Luka 11:35

Yiti nea yé né kanea bɔ ɔwɔ wɔ nu ne wangakyi awosii.

Asomafoɛ 13:11

Tie, Awurade kotua wɔ kerɛ kekesaala ye; wɔ nye kosi, na engonwu eyia ko, sana mmerɛ kãa pɛ nu.” Na berɛ ne ala awosii ne ɛborɔ katale Elima nye so maa ofuafuale penane sona bɔ ɔkɔsɔ ye sa kohyire ye atee ɔ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Ɛfesofoɛ 6:5

Ngoaa mɔ, ɛ́mɔye ɛmɔ ahone nu bɛ́fa esuronyi ne anwowosolɛ bɛ́yɛ sotie bɛ́ma ɛmɔ anwoɔnan nu meneɛ mɔ, kyɛbɔ ɛmɔyɔ bɛma Kristo ne;

Kolosefoɛ 3:22

Ngoaa mɔ, ɛ́mɔyɛ sotie bɛ́ma ɛmɔ anwoɔnaen nu meneɛ mɔ wɔ nikyee biala nu. Nnɛma ɛmɔyɔ ye bɛ nye so mbaen, kyɛ ɛmɔyɔ ma sona kamvo ɛmɔ ɔ, na mmom ɛ́mɔfia ɛmɔ kunu bɛyɔ ye kyɛ mmenia bɔ besuro Awurade ɔ.