Luka 11:29 - AHYERƐLƐ KRONGRON

²⁹ Na mmenia yɛle berɛ birikabirika nen, ɔhyɛle ye bo hane kyɛ, “Ɛnɛmmafoɛ te bɔnefoɛ. Bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ deɛ ne ala.

Luka 11:29 Iomraidhean Croise

Hesekiel 24:24

Sɔ yeɛ Hesekiel kogyina berɛ kɔma ɛmɔ kyɛ sɛngyerɛnneɛ ɔ; na bɔ wayɔ ne amukoraa, ɛmɔ koso ɛmɔkɔyɔ bie. Na sɛ sɔ dwirɛ ne si a, afei ɛmɔkonwu kyɛ me ole AWURADE Nyameɛ.’

Yona 1:1

Na AWURADE lale ye dwirɛ ali hyirele Amitae awa Yona kyɛ,

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Luka 11:16

Yeɛ ebiemɔ koso besole ye bɛneane, na bebisale nzɛngyerɛnneɛ bɔ ofi nyameɛso ɔ befili ye berɛ.

Luka 11:50

Yiti ngɔmhyɛlɛfoɛ amukoraa bɛ mogya bɔ bahã bagua fi ewiase ahyɛaseɛ ne, ye nwo asodie la ɛnɛmmafoɛ so,

Luka 12:1

Sɔ mmerɛ ne, né mmenia apee apee bahyere so bɔ betiatia bɛ nwo so ɔ. Na Yesu hyɛle ye bo lili moa sele ye asuafoɛ nemɔ kyɛ, “Ɛ́mɔnea ɛmɔ nwo yé wɔ Farasiifoɛ mɔle harewaa bɔ ye ole nyaatwomyɛlɛ ne anwo.

Luka 9:41

Yeɛ Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena ma oodwu kyinzu, yeɛ nya ɛmɔ nwo aboterɛ ma oodwu kyinzu? Fa ɛwa ne bra wa!”

Yohane 2:18

Yeɛ Yudafoɛ nemɔ bisale ye kyɛ, “Nzɛngyerɛnneɛ beni yeɛ ɛkɔyɔ kɔfa kohyire yɛ kyɛ ele ye nwo ate kyɛ ɛyɔ ɛhe ɔ?”

Yohane 6:30

Yeɛ besele ye kyɛ, “Nzaade, nzɛngyerɛnneɛ beni yeɛ ɛkɔyɔ, bɔ yɛkonwu ye, bɔ ɔkɔmaa yɛkole wɔ yɛkoli ɔ? Nzikyɛ yeɛ ɛkɔyɔ ɔ?

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Korintofoɛ 1:22

Ofikyɛ Yudafoɛ bɛpena nzɛngyerɛnneɛ, yeɛ Helafoɛ koso bɛpena ewiase nworɛ.