Luka 11:2 - AHYERƐLƐ KRONGRON

² Na osele bɛ kyɛ, “Sɛ ɛmɔbɔ mbaeɛ a, ɛmɔhã kyɛ, ‘Baba [bɔ ɛwɔ nyameɛso so ɔ,] Wɔ dumaa nwo ɔte; w’ahennie ɔbra.

Luka 11:2 Iomraidhean Croise

1 Ahemvo 8:43

ye de tie amanvraniɛ ne mbaeɛ wɔ nyameɛso, nekaa bɔ ɛte ne, ná yɔ bɔ ɔkɔfa kɔto wɔ nyunu amukoraati ma ye, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso bekonwu kyɛ wɔ dumaa yeɛ ɔla sua bɔ masi ye aso ɔ.

2 Ahemvo 19:19

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ AWURADE, wɔ ngome yeɛ ɛte Nyameɛ ɔ.”

2 Aberɛso Dwirɛ 20:6

Na osele kyɛ, “Ao AWURADE yɛ nana mɔ Nyameɛ, aso nna wɔ yeɛ ɛte Nyameɛ bɔ ɔwɔ nyameɛso ɔ? Aso nna wɔ yeɛ edi maen maen mɔ b’ahennie amukoraa so ɔ? Wɔ yeɛ ele anwoserɛ ne tumi ɔ, na ebiala ngɔhora ngosi wɔ ate.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 108:5

Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Edwein 57:11

Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Yesaya 63:16

Ofikyɛ wɔ yeɛ ɛte yɛ Baba ɔ, ɔwɔ nu kyɛ Abraham nze yɛ, yeɛ Yisrael koso onne yɛ ndo nu; O AWURADE, wɔ yeɛ ɛte yɛ Baba ɔ, yɛ Defoɛ, wɔ dumaa ne ɔwɔ berɛ fi tetetete.

Hesekiel 36:23

Na me dumaa piri bɔ ɛmɔagua ye nwo fiɛ wɔ maen maen mɔ nu, bɔ ɛmɔagua ye nwo fiɛ wɔ bɛ nu ne, ngɔyɛ ye krongron. Na sɛ meyɛ me dumaa ne krongron wɔ ɛmɔ nu, bɔ bɛ nye tua a, afei maen maen mɔ konwu kyɛ me ole AWURADE, AWURADE Nyameɛ noa dwirɛ ɛne.

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 22:23

Nandwie biala anaa boaen biala bɔ ye nekaa bie ayɛ tendenn anaa tika watra ko ne, ɛkɔhora kɔfa kɔbɔ akyɛdeɛ afɔleɛ, nakoso ɛfa yɛ aboadeɛ de a, Nyameɛ nye ngɔsɔ.

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Mateo 10:32

“Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Luka 11:1

Na ɔwale kyɛ, né Yesu wɔ nekaa bie ɔbɔ mbaeɛ, na oyiele nen, ye asuafoɛ nemɔ anu ko sele ye kyɛ, “Awurade, kyire yɛ mbaeɛbɔlɛ, kyɛbɔ Yohane koso ohyirele ye asuafoɛ nemɔ ne.”

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

1 Korintofoɛ 1:3

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Korintofoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Ɛfesofoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Filipifoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Filipifoɛ 4:20

Animnyam hã yɛ Baba Nyameɛ daa. Amen.

Kolosefoɛ 1:2

Yɛfa yɛbrɛ anwoteefoɛ ne aliɛmaa mɔ bɔ bedi nahorɛ wɔ Kristo nu bɔ bɛwɔ Kolose ɔ. Adom ne asomdwee bɔ ofi yɛ Baba Nyameɛ [ne Awurade Yesu Kristo] berɛ ɔyɛ ɛmɔ deɛ.

1 Tɛsalonikafoɛ 1:1

Krataa he fi Pɔɔlo, Silwano ne Timoteo berɛ. Yɛfa yɛbrɛ Baba Nyameɛ ne Awurade Yesu Kristo asɔre bɔ ɔwɔ Tɛsalonika ne. Adom ne asomdwee [bɔ ofi yɛ Baba Nyameɛ ne Awurade Yesu Kristo berɛ] ɔyɛ ɛmɔ deɛ.

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.