Luka 11:19 - AHYERƐLƐ KRONGRON

¹⁹ Na sɛ Beɛsebul tumi yeɛ mefa metutu sunzummɔne mɔ de a, né nzaade nwa tumi yeɛ ɛmɔ mma mɔ bɛfa betutu bɛ ɔ? Yiti bɛ yeɛ bɛkɔyɛ ɛmɔ ndɛenbualɛfoɛ ɔ.

Luka 11:19 Iomraidhean Croise

YOB NWOMAA NE 15:6

Wɔ bɔbɔ wɔ noa dwirɛ yeɛ obua wɔ fɔ ɔ, na mmom nna me ɔ, amba, wɔ noa dwudwolɛ yeɛ odi adanzeɛ tia wɔ ɔ.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

Luka 9:49

Na Yohane buale kyɛ, “Yɛ mene, yɛnwuni kyɛ ebie ole wɔ dumaa otu sunzummɔne mɔ, na yɛberale ye, ofikyɛ nna ɔne yɛ ɛɛnate ɔ.”

Asomafoɛ 19:13

Yiti Yudafoɛ ngonyaayelɛfoɛ biemɔ bɔ bekyini betutu sunzummɔne yɛle kyɛ bɛ koso bɛkɔfa Awurade Yesu dumaa bɛkɔyɔ bie, na besele sunzummɔne nemɔ kyɛ, “Yɛhyɛ wɔ wɔ Yesu bɔ Pɔɔlo di ye nwo adanzeɛ ne dumaa nu kyɛ, fi ye nu fite!”

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.