Luka 10:37 - AHYERƐLƐ KRONGRON

³⁷ Na obuale kyɛ, “Ye de, ko bɔ onwuni ye anwumvoin ne ɔ.” Yeɛ Yesu sele ye kyɛ, “Kɔ, na wɔ koso, kɔyɔ sɔ ala!”

Luka 10:37 Iomraidhean Croise

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 10:36

Yiti mmenia nza ye, bɛ nu nwa yeɛ ɛdwene kyɛ ɔyɛle biaa bɔ olili amia wɔ awerɔm awuefoɛ mɔ bɛ sa nu ne obiɛngo ɔ?”

Luka 10:38

Na ɔwale kyɛ bɛ́kɔ nen, oodwuli akuraa bie anu; na braa bie bɔ bɛfrɛ ye Maata ɔ ɔfale ye oosikyele ye wɔ ye awuro.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,