Luka 10:34 - AHYERƐLƐ KRONGRON

³⁴ Na ɔhɔle ye nwo berɛ, ɔfale ngoo ne nzaa guaguale ye apirakuro ne anu, na ɔkyekyele so. Afei ɔfale ye siele ye bɔbɔ ye kaka ne aso, na ɔfale ye hɔle ɛwɔfoɛ sua nu ɔɔneane ye.

Luka 10:34 Iomraidhean Croise

Gyenesise 42:27

Beedwuli asikyeleɛ, na bɛ nu ko sangyele ye bɔtɔ anoa kyɛ ɔma ye afunum aleɛ nen, onwuni kyɛ ye sikaa ne wura aburoo ne anu wɔ ye bɔtɔ ne anoa ɔ.

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Ɛksadɔso 4:24

Na Mose sili nu ne, AWURADE yiale ye wɔ asikyeleɛ bie anu wɔ atunu, na ɔyɛle kyɛ okohu Mose.

Marko 14:8

Bɔ ɔkɔhora ye yɔ yeɛ wayɔ ye; wali moa wapopa me nipadua wafa wanwondɛ me sielɛ.

Luka 10:33

Nakoso Samarianiɛ bie, bɔ né otu atee ɔ oofitele nekaa bɔ ɔwɔ ne, na onwuni ye ne, ɔyɛle ye anwumvo.

Luka 10:35

Na aleɛ hyene ne, ɔyele denare nyɔ mane sona bɔ ɔnea ɛwɔfoɛ sua ne aso ne, na osele ye kyɛ, ‘Nea ye, na kerɛ biala bɔ ɛkɔbɔ wɔ ye nwo bieku ne, mesa meba a ngotua wɔ kerɛ.’

Luka 2:7

Ɔwole ye bamuɛbaa bienzua, na ɔfale ɛtena kyekyele ye nwo, na ɔfale ye tole alaka bɔ nyɛmmoa didi nu ɔ nu, ɔnate kyɛ bannya ɛwɔfoɛ sua banzikye nu.

Romanfoɛ 12:20

Yiti sɛ ɛhɔen ku wɔ pɔfoɛ a, ma ye nikyee ma oli; yeɛ sɛ nzuhɔen ku ye a, ma ye nzue ma ɔno; ofikyɛ sɛ ɛyɔ sɔ a, ɛkɔboaboa see nzramaa noa ekogua ye ti afia.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.