Luka 10:31 - AHYERƐLƐ KRONGRON

³¹ Na ɔwale kyɛ, ɔsɔfo bie ɔɔfale atee ne aso; na onwuni ye nen, ɔfale atee ne bue dɔ hɔle.

Luka 10:31 Iomraidhean Croise

2 Samuel 1:6

Na aberandeɛ bɔ ɔɔbɔle amaneɛ ne buale kyɛ, “Ngɔ mvitele Gilboa bokaa ne aso, na mvum nu, nwuni kyɛ Sɔɔlo kisa ye pealɛɛ ne. Sɔ mmerɛ ne, né teaseɛnam mɔ ne pɔngɔhanɛfoɛ mɔ bafoa ye bapingye ye.

Edwein 142:4

Sɛ menea me sa famaa so a, menwu ye kyɛ me nwo nhia ebiala; mennya afealeɛ biala, sona biala ndwene me ngoa nwo.

Edwein 69:20

Alapaa ama me wora abɔ, maa ɔnate so wabɔ me anwonyerɛ. Ahaa mepena sona bɔ ɔkɔdodo me ɔ, nakoso mbaen ɔ; yeɛ ahaa mepena aworakyekyerɛfoɛ, nakoso mannya ko po.

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Hosea 6:9

Kyɛbɔ awerɔm awuefoɛ kure bɛtetɛ sona ne, sɔ ala yeɛ asɔfo kure bɛbɔ porɛ bedi awue ɔ. Bedi awue wɔ Sɛkem atee so, amba, bɛbɔ musue.

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Luka 10:30

Yeɛ Yesu buale kyɛ, “Biaa bie fili Yerusalem kyɛ ɔ́torotoro kɔ Yeriko, na oolili amia wɔ awerɔm awuefoɛ bɛ sa nu. Na bepuropurole ye nwo ndaadeɛ, bepurapurale ye, na bɛyakyili ye berɛ bɛhɔle bɔ né ɔpena wu ɔ.

Luka 10:32

Sɔ ala yeɛ Lewiniɛ bie oofitele ye so ɔ; na onwuni ye nen, ɔfale atee ne bue dɔ hɔle.

Rutu 2:3

Yiti Rutu sili nu hɔle. Oolili ayuotelɛfoɛ nemɔ si sesale bɔ waha ye si ne. Na ɔwale kyɛ eboo bɔ oofitele nu ne, né Elimɛlɛke abusuaniɛ Boase deɛ ɔ.