Luka 10:3 - AHYERƐLƐ KRONGRON

³ Ɛmɔhɔ! Ɛ́mɔtie, mésoma ɛmɔ kyɛ mmoaen mmaa ma ɛmɔkɔ mbataku nu.

Luka 10:3 Iomraidhean Croise

Edwein 22:21

Pepɛ de me fi gyata noa nu! Ofikyɛ apepɛ ale me afi torɔen mmɛen noa.

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Luka 10:4

Nnɛma ɛmɔfa sikaabɔtɔ anaa bɔtɔ, anaa mbaboa; yeɛ nnɛma ɛmɔbisa ebiala ahye wɔ atunu!

Yohane 10:12

Nakoso paaniɛ bɔ nna ye ole mmoaenneafoɛ ne, bɔ mmoaen ne bɛtte ye deɛ nen, sɛ onwu kyɛ pataku ba a, ɔyakyi mmoaen ne berɛ nwati; na pataku ne bakye bɛ, na ɔbɔ bɛ sande.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.