Luka 10:29 - AHYERƐLƐ KRONGRON

²⁹ Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 10:29 Iomraidhean Croise

YOB NWOMAA NE 32:2

Yeɛ Elihu, bɔ ɔse ole Businiɛ Barakɛl, bɔ ofi Ram abusua nu ne, ɔfɛle yaa ɔ. Ɔfɛle Yob so yaa, kyɛ wabua ye nwo be, ná wammua Nyameɛ mmom be ɔ.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 10:36

Yiti mmenia nza ye, bɛ nu nwa yeɛ ɛdwene kyɛ ɔyɛle biaa bɔ olili amia wɔ awerɔm awuefoɛ mɔ bɛ sa nu ne obiɛngo ɔ?”

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Romanfoɛ 10:3

Ofikyɛ bɛnze atee bɔ Nyameɛ fa so siesie ye ne mmenia b’afia ɔ, na mmom bɛyɛle kyɛ bɛkɔfa bɛ bɔbɔ bɛ tenenee atee so; yiti bammrɛ bɛ nwo ase bamma Nyameɛ atee bɔ ɔfa so yɛ kuro sona teneneeniɛ ne.

Romanfoɛ 4:2

Sɛ Nyameɛ nate Abraham nnwumaa so yeɛ obuale ye be de a, nzaade Abraham le nikyee fa hoahoa ye nwo, nakoso nna Nyameɛ nyunu ɔ.

Galatiafoɛ 3:11

Afei ɔla berɛ pefee kyɛ ɔnate mmeraa ne aso de, ebiala nni be wɔ Nyameɛ nyunu; ofikyɛ teneneeniɛ de, ɔnate ye gyidie so yeɛ okonya ngoa ɔ.

Yakobo 2:24

Na ɛhe ma ɛmɔnwu ye kyɛ begyina sona nnwumaa so yeɛ bebua ye be ɔ, na bengyina ye gyidie ngome so.